"ვმუშაობთ, როგორც კი ჩათვლის პროკურატურა, გვეტყვის რომ ბრალი უნდა წავუყენოთ, წავუყენებთ"

"ვმუშაობთ, როგორც კი ჩათვლის პროკურატურა, გვეტყვის რომ ბრალი უნდა წავუყენოთ, წავუყენებთ" - გომელაური მაჩალიკაშვილზე

პოლიტიკა - 18:07, 31 May, 2019

1088

მაჩალიკაშვილის საქმე - სახელმიწიფო უსაფრთხოების სამსახურის ხელმძღვანელი, ვახტანგ გომელაური არ პასუხობს კითხვას, თუკი მალხაზ მაჩალიკაშვილი ნამდვილად გეგმავდა, სუს-ის ყოფილი მაღალჩინოსნის, სოსო გოგაშვილის ლიკვიდაციას, რატომ არ ხდება მისთვის ბრალის წარდგენა.
გომელაურმა ასევე უპასუხოდ დატოვა კითხვა სად არის მტკიცებულებები.
"კურიერი" ასევე დაინტერესდა რა მტკიცებულებები აქვს სუს-ს, რომ იგეგმებოდა გოგაშვილის მკვლელობა, ჟურნალისტის ამ კითხვაზე მაღალჩინოსანმა თქვა, რომ მიმდინარეობს გამოძიება.

"ახალი თუ იქნება რამე გაგაგებინებთ, ვმუშაობთ"- თქვა მან. გომელაურმა ასევე არ უპასუხა კითხვას ამოღებულია თუ არა დანაშაულის იარაღი.

„კურიერის“ შეკითხვაზე, რის საფუძველზე განაცხადა სუს-მა, რომ მაჩალიკაშვილი სოსო გოგაშვილის მოკვლას აპირებდა, გომელაური პასუხობს:

„რის საფუძველზე ვთქვით და რაც გვაქვს გამოძიებაში, იმის საფუძველზე ვთქვით, ხომ გაგეცით პასუხი, უხერხულია. ახალი იქნება თუ არა თემა, მოგახსენებთ,“-ამბობს გომელაური.

კიდევ ერთ კითხვას, არის თუ არა ამოღებული დანაშაულის ჩადენის სავარაუდო იარაღი, გომელაური არ პასუხობს. კითხვაზე კი, თუ არსებობს საკმარისი მტკიცებულება, რატომ არ აქვს წარდგენილი ბრალი მალხაზ მაჩალიკაშვილს გომელაური ამბობს:

„ვმუშაობთ, როგორც კი ჩათვლის პროკურატურა, გვეტყვის რომ ბრალი უნდა წავუყენოთ, წავუყენებთ. რაც საჭირო იყო ღიად გავაკეთეთ განცხადება."- განაცხადა სუს-ის ხელმძღვანელმა.