საქართველოს პრემიერ-მინისტრის, მამუკა ბახტაძის თქმით, დავით გარეჯის საკითხი აუცილებლად დარეგულირდება.

საკითხზე საუბრისას მთავრობის მეთაურმა საქართველოს მესამე პრეზიდენტი, მიხეილ სააკაშვილი გააკრიტიკა.

"ძაან დიდი ხანი ჰქონდა იმისთვის, რომ თუ რამის თავი ჰქონდა, ეს საკითხი დაერეგულირებინა, ისე როგორც საჭიროა"- თქვა ბახტაძემ.

მიხეილ სააკაშვილის ნათქვამზე, რომელიც უკრაინაში "დასავლეთის კოლონიალურ პოლიტიკას" ეხებოდა, განცხადებები გააკეთონ.

"დავით გარეჯის საკითხი აუცილებლად იქნება დარეგულირებული, ისე როგორც შეესაბამება სტრატეგიულ პარნტიორობას ჩვენს მეგობარ ქვეყანასთან და ჩვენს ეროვნულ ინტერესებს, მაგრამ აქვე, რაც მინდა გავიზიარო, რაც ქალბატონმა სალომე სამადაშვილმა თქვა, დიახ, თუ ვინმეს აქვს სურვილი, ისაგებლოს იმით, რაც ხდება, ეს არის ოკუპანტი ქვეყანა, მაგრამ აქვე მაქვს კითხვა მასთან პირადად და თქვენთანაც, ვინც პოზიციონირებას აკეთებთ პოლიტიკური ძალების, რომლებიც ხართ დასავლეთზე ორიენტირებული, რეალურად თუ არარეალურად.

თქვენმა არსებულმა თუ ყოფილმა პოლიტიკურმა ლიდერმა განცხადება გააკეთა, რომ ევროპას აქვს კოლონიალური პოლიტიკა უკრაინაში. თუ თქვენ გულწრფელად ამბობთ და გაქვთ ეს მისწრაფებები, კეთილი ინებეთ, გამოდით და გააკეთეთ განცხადებები, ეგ არის რუსული ნარატივი და არა ის, რაც ხდება" - თქვა ბახტაძემ.