„ერთად უნდა შევტყნათ“, „მართმადიანი“ - სალომე ზურაბიშვილი აცხადებს, რომ სახელმწიფო ენის დაცვა მისი კონსტიტუციური ვალდებულებაა

პოლიტიკა - 13:59, 31 May, 2019

3957

პრეზიდენტი სალომე ზურაბიშვილი აცხადებს, რომ მისი კონსტიტუციური ვალდებულება ენის დაცვაა.

„სახელმწიფო ენის დაცვა ჩემი კონსტიტუციური ვალდებულებაა. ეს ძალიან დიდი პასუხისმგებლობა და ამავდროულად დიდი სიამაყეა. ენა სახელმწიფოს მთავარი შემადგენელი ნაწილია. ენის გარეშე ერთიანი სახელმწიფო ვერ იარსებებს. ენა საზოგადოების გამაერთიანებელია. ენის მეორე მთავარი მახასიათებელია ის, რომ ენა ერის კულტურის მატარებელია. ენის გარეშე კულტურა არ არსებობს. ენების წინაშე დღეს მთავარ გამოწვევას გლობალიზაცია და ტექნოლოგიები ქმნიან. ქართული ენა საზღვარგარეთ სახელმწიფოს დროშაა. ქართული დამწერლობა კაცობრიობის არამატერიალური კულტურული მემკვიდრეობის ნუსხაშია შეტანილი, რაც იმას ნიშნავს, რომ ენის ცნობადობა იზრდება. ჩვენი მიზანია ქართული კულტურითა და ლიტერატურით, რაც შეიძლება სწრაფად გავხდეთ ევროპული კულტურული სივრცის ნაწილი,“ - ეს განცხადება ზურაბიშვილმა კონფერენციის - „სახელმწიფო ენის სამოქალაქო ინტეგრაციისა და ადამიანური კაპიტალის განვითარებისთვის საქართველოში“ განაცხადა.

აქვე, შეგახსენებთ, რომ ზურაბიშვილს ქართულ მეტყველებასთან პრობლემები აქვს. ასე, მაგალითად, მას ეკუთვნის ფრაზები - „ერთად უნდა შევტყნათ“, „მართმადიანი“, „ანალისტები“, „სადაც არ უნდა გათხარო, ყველგან უნდა გათხარო“ და ასე შემდეგ.