„თქვენ ვერ გააქარწყლეთ ეჭვი“ - სამადაშვილი პრემიერს ირაკლი რუხაძის სკანდალს ახსენებს და რეაგირებას მოითხოვს

პოლიტიკა - 12:57, 31 May, 2019

391

ფრაქცია "ნაციონალური მოძრაობის" წევრი, დეპუტატი სალომე სამადაშვილი საკანანმდებლო ორგანოში მისულ პრემიერს მიმართავს და აცხადებს, რომ მთავრობის მეთაურმა თავისი გამოსვლით ვერ გააქარწყლა აზრი, რომ "თიბისი ბანკზე" ორკესტრირებულ შეტევას ხელისუფლება აწარმოებდა.
"ვერანაირად გააქარწყლეთ ის აზრი, რომ "თიბისი ბანკზე" ორკესტრირებული შეტევა იყო და მასში ხელისუფლების სხვადასხვა რგოლი მონაწილეობდა. ვფიქრობ, მამუკა ხაზარაძის თანამდებობიდან გადაყენება არ იყო ამ საქმის შემადგენელი ნაწილი. ის პროცესები, რაც მიმდინარეობს ანაკლიის პორტთან დაკავშირებით, არის ერთ-ერთი მნიშვნელოვანი კომპონენტი ამ ორკესტრირებული შეტევის"- თქვა სამადაშვილმა და მთავრობის მეთაურს ირაკლი რუხაძის შესახებ აზრის დაფიქსირებისკენ მოუწოდა.
"მინდა, ვისაუბრო იმაზე, როდესაც თქვენი განცხადებით, კანონის ფარგლებში მოქმედებდა სახელმწიფო, როდესაც რეაგირებას აძლევდა მრავალი წლის წინ, სავარაუდოდ, ჩადენილ დარღვევას, ვგულისხმობ "თიბისი ბანკს". მაინტერესებს, რა რეაგირება ექნება ხელისუფლებას, პირველ რიგში, ეროვნულ ბანკს იმ ძალიან უხეშ დარღვევებზე, რომელიც ხდება ახლა, ცოცხალ დროში და ვგულისხმობ „ლიბერთი ბანკის" სამეთვალყურეო საბჭოს თავმჯდომარეს, ბატონ ირაკლი რუხაძეს, რომლის წინააღმდეგაც ნოემბერში, ბრიტანეთის უმაღლესი სასამართლოს კომერციულმა პალატამ გამოიტანა განაჩენი, რომლითაც აღიარა არასაიმედო პარტნიორად, ფგაქტობრივად დაადანაშაულა ორკესტრირებულ თაღლითობაში და არასაიმედო ფინანსურ განმკარგავად ჩათვალა.

მაინტერესებს თქვენი პოზიცია, მიგაჩნიათ თუ არა რომ ასეთი ადამიანი დღემდე უნდა რჩებოდეს "ლიბერთი ბანკის" სამეთვალყურეო საბჭოს თავმჯდომარედ? ჩვენ მივმართეთ იგოვე კითხვით ეროვნულ ბანკს და გვაინტერესებს ასეთივე გულმოდგინედ, კანონის ემსრულებელი აღმოჩნდება თუ არა ეროვნული ბანკი ამ შემთხვევაშიც, როგორც ეს მოხდა "თი ბი სი ბანკის" შემთხვევაში?"- განაცხადა დეპუტატმა.

სალომე სამადაშვილის განცხადებით, ხელისუფლების მიერ ნიადაგის მომზადება ქვეყანაში მეორე ღრმაწყლოვანი პორტის მშენებლობისთვის, ანაკლიიის პორტისთვის ბარიერი იქნება.
"რაც შეეხება ანალიის პორტს, ბავშვისთვისაც კი გასაგებია, რომ მაშინ როდესაც ფინანსური ინსტიტუტებისთვის, რომლებმაც ეს პროექტი უნდა დააფინანსონ, მთავარი საკითხია, იქნება თუ არა ეკონომიკურად სიცოცხლისუნარიანი ეს პორტი და დაიტვირთება თუ არა და ღირს თუ არა ფულის დაბანდება, ხელისუფლების მცდელობა, რომ დაიწყოს საუბარი და მომზადება საფუძვლის რომ ქვეყანაში მეორე ღრმაწყლოვანი პორტის მექმნის, ეს პირდაპირ ქმნის დაუძლეველ ბარიერს ინვესტორებისთვის, რომ დააფინანსონ ანაკლიის პორტი"- თქვა სამადაშვილმა.
მისი თქმით, ანაკლიის პორტის წინააღმდეგ ადგილი აქვს "აბსოლუტურად გამიზნულ საბოტაჟს".
"ამაზე პოლიტიკური პასუხისმგებლობის საკითხი თუ არა დადგა თქვენს ხელისუფლებაში, მიმაჩნია, რომ თქვენ თავად მონაწილეობთ ამ პროცესებში"- მიმართა დეპუტატმა პრემიერს.