დამოუკიდებელმა დეპუტატმა, ისნის რაიონის მაჟორიტარმა, დავით ჭიჭინაძემ პრემიერ ბახტაძეს, რომელსაც პარლამენტში უსმენენ, პიდაპირ ჰკითხა, თუ როდის დატოვებს თანამდებობას.

„პარლამენტმა, რეგლამენტით, წუთნახევრით განსაზღვრა ის სტატუსი, რაც ჩვენს პრემიერ-მინისტრს გააჩნია. მე, უბრალოდ, მინდა ვკითხო რიტორიკულად - როდის დატოვებს თანამდებობას? დაისვენოს თვითონ, დაასვენოს ქვეყანა, დაასვენოს ხალხი. მე ვფიქრობ, რომ რასაც დღეს, ეს ადამიანი აკეთებს, მხოლოდ და მხოლოდ ფიქტიური ფუნქციაა, ამ პარლამენტშიც ფიქტიურად მოდის, ტელევიზორშიც ფიქტიურად გამოდის და პრინციპში დღეს ქვეყანას ეტყობა, რომ არ ჰყავს პრემიერ-მინისტრი,“- განაცხადა ჭიჭინაძემ.