"დამასრულებინეთ, დრო გააჩერეთ"- პრემიერის გამოსვლა პარლამენტში ხმაურის ფონზე მიმდინარეობს (ვიდეო)

პოლიტიკა - 12:46, 31 May, 2019

1601

საკანონმდებლო ორგანოში საქართველოს პრემიერ-მინისტრს უსმენენ. მამუკა ბახტაძეს თი ბი სი ბანკის საქმეზე, ასევე ანაკლიის პორტის მშენებლობის საკითხებსა და ლარის კურსზე ოპოზიციის მძიმე კითხვებზე პასუხის გაცემა უწევს.

ოპოზიციის პროტესტი ბახტაძის იმ განცხადებას განცხადებას მოჰყვა, რომლის თანახმადაც საპროცენტო განაკვეთი წინა ხელისუფლების დროს უფრო დიდი იყო.

"რეალობის მოსმენა ისწავლეთ" - მიმართა პრემიერმა ოპოზიციას.

„მე სამსახიობო ნიჭში სამწუხაროდ კონკურენციაში, ვერ შევალ ზოგიერთ წარმომადგენლებთან. ამიტომ, გთხოვთ, შინაარსზე გაამახვილოთ ყურადღება, თუ გაქვს შინაარსობრივი შეკითხვები,“ - განაცხადა ბახტაძემ.

„ეს არ არის საბანკო რეგულაციები, ეს იყო რეგულაციები ფინანსური სექტორის მისამართით... ინიციატივები მდგომარეობდა იმაში, რომ პირველი, დაგვეწესებინა ჭერი საპროცენტო განაკვეთებზე და არ ყოფილიყო 700 და 800-პროცენტიანი სესხები საქართველოში, როგორც თქვენ დაგვიტოვეთ, იმ უსამართლო თამაშის წესები. მეორე, ყოფილიყო მაქსიმალური ზღვარი ჯარიმებზე და საურავებზე, რომ ადამიანს 200 ლარი დარჩებოდა თავის სესხიდან გადასახადი, რომ სახლი არ დაეკარგა ამის გამო. შემოვიდა ზღვარი 200 ათას ლარზე, რომ ყოფილიყო ლარიზაციის წახალისება, რომ ყოფილიყო რეალური შედეგი ჩვენი მოქალაქეებისთვის,“ - განაცხადა ბახტაძემ.