ანაკლიის პორტის პროექტის ჩაძირვის ოპერაცია - მთავარი ფიგურანტი ისევ ოთარ ფარცხალაძეა

პოლიტიკა - 21:07, 30 May, 2019

2142

ყოფილი გენერალური პროკურორის ოთარ ფარცხალაძის გვარი ანაკლიის პროექტის სკანდალში - ოპოზიციის ინფორმაციით, ფარცხალაძის ინტერესები უკავშირდება ფოთში პორტის მშენებლობას.
გაერთიანებული ოპოზიციის წევრი, მარიკა დათუკიშვილი ირწმუნება, რომ ახალი ღრმაწყლოვანი პორტის მფლობელი და ოთარ ფარცხალაძე ბიზნეს პარტნიორები არიან.

"კომპანია " ფეის ჯორჯია" დეკლარირებულად აშენებს ფოთის ღრმაწყლოვან პორტს. კომპანიის დამფუძნებელი გახლავთ ირაკლი კერვალიშვილი, რომელიც თავის მხრივ არის ოთარ ფარცხალაძის ახლო მეგობარი. რეალურად ირაკლი კერვალიშვილი არის ადამიანი, რომელიც ფორმალურად ფლობს ოთარ ფარცხალაძის ქონებას. ამის თქმის საფუძველს გვაძლევს, ის, რომ რამდენიმე თვის წინ თბილისის მერიამ კერვალიშვილს გაუკეთა მონაცვლეობა იმ სადაო ტერიტორიაზე, რომელიც ეკუთვნოდა ოთარ ფარცხალაძეს და მან კერვალიშვილზე ფორმალურად მოახდინა იმ ტერიტორიების გადაფორმება" - აღნიშნა მარიკა დათუკუშვილმა.

მედიაში გავრცელებული ინფორმაციით,
მას შემდეგ რაც ეკონომიკის სამინისტრომ ფოთში ახალი ღრმაწყლოვანი პორტის მშენებლობის ნებართვა გასცა ფაქტს ანაკლიის უცხოელი ინვესტორების მხრიდან პროტესტი მოჰყვა. რის შემდეგაც მთავრობა იძულებული გახდა გადაწყვეტილება უკან წაეღო. ყველაფერი საბოლოოდ, ეკონომიკის სამინისტროს მშენებლობის დეპარტამენტის ხელმძღვანელს დაბრალდა.

პოსტიდან გადაყენებული გრიგოლ კაკაურიძე კი მედიასთან მცირე კომენტარით გამოჩნდა თუმცა არ უპასუხა მთავარ კითხვას იცოდა თუ რა რომ ახალი პორტის უკან ოთარ ფარცხალაძე დგას.

გავრცელებული ინფორმაციით, ინვესტორები მიმართავენ ხელისუფლებას ყველაფერი გააკეთოს საიმისოდ, რომ ეკონომიკის სამინისტროში მომხდარის გამო საერთაშორისო საფინანსო პარტნიორების თვალში შელახული რეპუტაცია და ნდობა აღიდგინონ, რათა ანაკლიის პროექტი არ შეფერხდეს.