სამთავრობო სკანდალი - ეკონომიკის მინისტრის მიერ გათავისუფლებული სსიპ-ის უფროსი პირველ კომენტარს აკეთებს

პოლიტიკა - 20:24, 30 May, 2019

2142

ეკონომიკისა და მდგრადი განვითარების სამინისტროს ტექნიკური და სამშენებლო ზედამხედველობის სააგენტოს ყოფილი ხელმძღვანელი გრიგოლ კაკაურიძე ადასტურებს, რომ ფოთის პორტის, “აიპიემ ტერმინალის” მიწის ნაკვეთის გამოყენების დამტკიცების თაობაზე გადაწყვეტილება მის მიერ იყო მიღებული.

კაკაურიძე აცხადებს, რომ მას გადაწყვეტილების შესახებ ეკონომიკისა და მდგრადი განვითარების მინისტრი, ნათია თურნავა საქმის კურსში არ ჩაუყენებია.

„მინდა დავადასტურო, რომ „ეიპიემ ტერმინალსისთვის“ მიწის ნაკვეთის გამოყენების პირობების თაობაზე გადაწყვეტილება ნამდვილად ჩემ მიერ იქნა მიღებული; ამის შესახებ ეკონომიკის მინისტრი ნათია თურნვა უშუალოდ მე არ ჩამიყენებია საქმის კურსში; იყო გარკვეული ხარვეზები ბრძანებაში, ამას ვადასტურებ და დღეის მდგომარეობით, ეს ბრძანება ძალადაკარგულად არის გამოცხადებული“, - განაცხადა კაკაურიძემ.

ეკონოკის მინისტრმა, ნათია თურნავამ, ფოთის პორტთან დაკავშირებით ტექნიკური და სამშენებლო ზედამხედველობის სააგენტოს ხელმძღვანელი გრიგოლ კაკაურიძე თანამდებობიდან დღეს გაათავისუფლა და მის მიერ გაცემული დოკუმენტი გააუქმა.