„თიბისიზე შეტევამდე მეუბნებოდნენ, ბიძინას ანაკლიის პორტი ფოთში მიაქვსო... რა შეუთანხმებელი მოქმედება?!... მიზანი ანაკლიის განადგურებაა“

„თიბისიზე შეტევამდე მეუბნებოდნენ, ბიძინას ანაკლიის პორტი ფოთში მიაქვსო... რა შეუთანხმებელი მოქმედება?!... მიზანი ანაკლიის განადგურებაა“ - ბაჩუკი ქარდავა

პოლიტიკა - 15:18, 30 May, 2019

1130

ფოთის პორტის ღრმაწყლოვანი პორტის მშენებლობის ნებართვის გაცემას და ანაკლიის პორტის მშენებლობის შესაძლო შეჩერების სკანდალს ეხმაურებიან პოლიტიკოსები. გაერთიანებული ოპოზიციის ერთ-ერთი ლიდერი და ედპ-ის თავმჯდომარე ბაჩუკი ქარდავა ამბობს, რომ მთავრობა სწორედ რომ შეთანხმებულად მოქმედებს ივანიშვილის ინტერესების გასატარებლად, რაც ანაკლიის პორტის შეჩერებას გულისხმობს. ქარდავას განცხადებით, მას ჯერ კიდევ ხაზარაძის და ივანიშვილის დაპირისპირებამდე ჰქონდა ინფორმაცია, რომ ივანიშვილი ანაკლიის პორტის ფოთში გადატანა აპირებდა.

„თიბისიზე შეტევამდე მეუბნებოდნენ ზუგდიდელი ქოცები, რომ ბიძინას ანაკლიის პორტი ფოთში მიაქვსო,რა შეუთახმებელი მოქმედება მთავრობაში?! (ცოტა კომენტარები დასახვეწი გვაქვს ოპოზიციას) ეს მინიმალური ცოდვაა ამ ხელისუფლების, რეალურად ბიძინა ებრძვის ანაკლიის პორტს და საზოგადოებრივი აზრიდან გამომდინარე უბრალოდ ამ ეტაპზე უკან დაიხია! ისევ შეუტევს ანაკლიას! ასე სურთ რუსებს!“ - წერს ეროვნულ-დემოკრატიული პარტიის თავმჯდომარე.

მისივე თქმით, ივანიშვილი ანაკლიის პროექტის სრულ მოშლას ცდილობს, ქარდავა ვარაუდობს, რომ ნებისმიერი უცხოური კომპანიის ჩართულობა მიზანმიმართული ჭორია, რეალურად კი, „ივანიშვილი ცდილობს მის ხელში ჩაგდებას და მიზანი ანაკლიის პორტის საბოლოო განადგურებაა“ - ამბობს ედპ-ის ლიდერი.