სააკაშვილის პარტია უკრაინის უმაღლესი რადის ვადამდელ არჩევნებში აპირებს მონაწილეობის მიღებას

პოლიტიკა - 18:02, 29 May, 2019

935

მიხეილ სააკაშვილი პარტია "ახალ ძალთა მოძრაობა" უმაღლესი რადის ვადამდელ არჩევნებში მიიღებს მონაწილეობას, ამის შესახებ უკრაინულ მედიასთან უკრაინის გენპროკურორის ყოფილმა მოადგილემ და პარტიის ერთ-ერთმა ლიდერმა დავით საყვარელიძემ განაცხადა:

„ჩვენ გვაქვს ვადამდელ არჩევნებში მონაწილეობის ლეგიტიმური უფლება გვაქვს. ჩვენ როგორც პარტია მონაწილეობას მივიღებთ ამ არჩევნებში და დავიცავთ იმ ფილოსოფიას და პროექტებს, რომლის განხორციელებაც გვინდა, როგორც პოლიტიკურ ძალას.“- განაცხადა საყვარელიძემ.

მისი თქმით, პარტია მხარს უჭერს ვოლოდიმირ ზელენსკის გადაწყვეტილებას, ვადამდელი არჩევნების დანიშვნასთან დაკავშირებით, რადგან როგორც საყვარელიძე ამბობს, ამჟამინდელი რადა უკვე 4 წელია არალეგიტიმურია.

შეგახსენებთ, უკრაინის პრეზიდენტმა ვოლოდიმირ ზელენსკიმ უკრაინის უმაღლესი რადა დაითხოვა და ვადამდელი არჩევნებიუ 21 ივნისს დანიშნა. 28 მაისს კი სააკაშვილს უკრაინის მოქალაქეობა დაუბრუნა. დღეს მიხეილ სააკაშვილი უკრაინაში ბრუნდება.

უკრაინის მოქალაქეობა პეტრო პოროშენკომ მიხეილ სააკაშვილს 2017 წლის 26 ივლისს ჩამოართვა. ოფიციალურ მიზეზად მაშინდელი პრეზიდენტის ადმინისტრაცია ოდესის ყოფილი გუბერნატორის მეირ კონსტიტუციის მე-19 მუხლის დარღვევას ასახელებდა, რომლის მიხედვით, სააკაშვილმა ანკეტის შევსების დროს არასწორი ინფორმაცია მიუთითა.