"ერთიანი ნაციონალური მოძრაობის" პოლიტსაბჭოს თავმჯდომარემ, ნიკა მელია უკრაინის პრეზიდენტის ვლადიმერ ზელენსკის მიერ მიხეილ სააკაშვილისთვის უკრაინის მოქალაქეობის დაუბრუნებას ეხმაურება.

მისი თქმით, ზელენსკის ამ ქმედებით, აღდგა სამართლიანობა და ანალოგიურად მოხდება საქართველოშიც.

"დღეს დავინახეთ ის, რომ უკრაინის ახალმა პრეზიდენტმა მას დაუბრუნა მოქალაქეობა. არავის ჰქონდეს იმედი, ვგულისხმობ ივანიშვილს, რომ იგი გაიზიარებს განსხვავებულ ბედს, ვიდრე გაიზიარა პოროშენკომ. ოთხჯერ უფრო მდიდარი პოროშენკო დაამარცხა ხალხმა უკრაინაში და ჯერ კიდევ შარშან, პოროშენკოს ეს ყველაზე კოშმარულ სიზმარშიც კი ვერ წარმოედგინა. ფაქტი არის სახეზე, იგივე მოხდება საქართველოშიც" - განაცხადა ნიკა მელიამ.