„დღეს უხილავი რუსული დროშა ფრიალებს დავით გარეჯში და ეს დროშა თქვენ ააფრიალეთ“

„დღეს უხილავი რუსული დროშა ფრიალებს დავით გარეჯში და ეს დროშა თქვენ ააფრიალეთ“ - სალომე სამადაშვილი ხელისუფლებას

პოლიტიკა - 15:57, 28 May, 2019

1181

დღეს უცილავი რუსული დროშა ფრიალებს დავით გარეჯში და ეს თქვენი ხელისუფლების პოლიტიკური პასუხისმგებლობაა - ეს განცხადება ნაციონალური მოძრაობის წევრმა, დეპუტატმა სალომე სამადაშვილმა პარლამენტში გააკეთა. მისი თქმით, ხელისუფლებამ მეგობარ აზერბაიჯანსა და რუსეთს შორის ტოლობის ნიშანი ჯერ კიდევ მაშინ დასვა, როცა კახა კალაძემ გაზპრომთან მოლაპარაკებები დაიწყო. სამადაშვილის განცხადებით დავით გარეჯი არის იმის შედეგი, რა პოლიტიკასაც ქართული ოცნების ხელისუფლება აწარმოებს.

„26 მაისს დამოუკიდბელობის აღსანიშნავ დღეს რუსული დროშები ფრიალებდა ბათუმის ქუჩებში და ეს არის თქვენი ხელისუფლების სახე. რუსეთი ტანკებით და ჯარისკაცებით კი არ იპყრობს ამ ქვეყანას, არამედ დროშებით და მომღარალი ბავშვებით ჩვენს ქუჩებში. ეს არის პასუხისმგებლობა, რომელსაც თქვენ ატარებთ, რომ ეს გახდა შესაძლებელი ჩვენს ქვეყანაში თქვენი ხელისუფლების პირობებში. დღეს უხილავი რუსული დროშა ფრიალებს დავით გარეჯში. ყველგან სადაც იქმნება პრობლემა საქართველოსა და აზერბაიჯანს შორის, იქ ფრიალებს რუსული დროშა და ეს დროშა თქვენ ააფრიალეთ. არანაირი მოსმენების გამართვა არ მჭირდება იმითვის, რომ ეს ვიცოდე. თქვენმა ხელისუფლებამ, კალაძემ გახსნა მოლაპარაკებები გაზპრომთან. აქ პარლამენტში გვეკეკლუცებოდა როგორი მარჯვე ბიჭია და როგორ აწარმოებს მოლაპარაკებებს რუსეთთან, რომ ზეწოლა მოახდინოს აზერბაიჯანზე გაზის ფასში. სახელმწიფო რომელიც არის ჩვენი მოკავშირე, რომელიც ურთულეს პირობებში ყოველთვის იდგა ჩვენს გვერდით, ტოლობის ნიშანი დასვით აზერბაიჯანსა და რუსეთს შორის და რა გეგონათ, ამას პოლიტიკური შედეგი არ ექნებოდა? ეს არის შედეგი, რაც დადგა.“ - განაცხადა სალომე სამადაშვილმა.