საგარეო საქმეთა მინისტრის მოადგილე გარეჯის საკითხზე პარლამენტში მისასვლელად მზად არის

პოლიტიკა - 15:49, 28 May, 2019

867

რა ეტაპზეა დავით გარეჯთან დაკავშირებით აზერბაიჯანულ მხარესთან მოლაპარაკებები - ოპოზიცია საგარეო საქმეთა მინისტრის მოადგილეს ახსნა-განმარტებისთვის პარლამენტში იბარებს.

საგარეო საქმეთა მინისტრის მოადგილე, ლაშა დარსალია ამბობს, რომ მზად არის ოპოზიციის ყველა შეკითხვას უპასუხოს. მისი თქმით, ემოციები, რაც გარეჯის საკითხთან არის დაკავშირებული არ უნდა გახდეს ორ ქვეყანას შორის ურთიერთობის დაძაბვის საბაბი.

„რა თქმა უნდა ჩვენ მჭიდროდ ვთანამშრომლობთ სხვადასხვა სახელმწიფო უწყებებთან, მათშორის საქართველოს პარლამენტთანაც. თუ იქნება პარლამენტში შეხვედრები, ჩვენ სიამოვნებით გავაცნობთ დეპუტატებს ნებისმიერ ინფორმაციას დემარკაციის საკითხებთან დაკავშირებით. კომისია, როგორც მოგეხსენებათ წინა კვირას შეიკრიბა. შემდგომი შეკრება იქნება დაახლოებით ერთი თვის ფარგლებში. მანამდე არის ჩასატარებელი გარკვეული ტიპის სამუშაოები. მათშორის საველე სამუშაოები. სამუშაოა დოკუმენტებთან. ერთობლივი შეხვედრები იქნება ექსპერტების დონეზე. მე მესმის ის ემოციები რაც ადამიანებს გააჩნიათ. ეს ძალიან სენსიტიური საკითხია ჩვენი საზოგადოების. ჩვენ ყველას გაგვაჩნია დიდი ემოციები. თუმცა ემოციები არ უნდა გახდეს არც საბაბი და არც მიზეზი იმისთვის, რომ ორ ქვეყანას შორის დაიძაბოს ვითარება. მე ვფიქრობ, რომ ვითარება მშვიდად ჩაივლის როგორც არის ამ ეტაპამდე,“-განაცხადა ლაშა დარსალიამ.