„მოვითხოვ, როგორც ერთ-ერთი მშობელი... სასკოლო ექსკურსიებისთვის გაკეთდეს სავალდებულო დებულება“ - ზურაბ მელიქიშვილი განათლების სამინისტროს მიმართავს

პოლიტიკა - 14:38, 27 May, 2019

2129

სასკოლო ექკურსიებისას, ბოლო დროს გახშირებულ უბედურ შემთხვევებს სოციალურ ქსელში ეხმაურება ნაციონალური მოძრაობის ერთ-ერთი ლიდერი ზურაბ მელიქიშვილი და განათლების სამინისტროს მიმართავს. მელიქიშვილი მიიჩნევს, რომ უნდა განისაზღვროს არ არის სასკოლო ექსკურსია და შემუშავდეს შესაბამისი დებულებაც, რომ თავიდან იქნა აცილებული სხვადასხვა სახის შემთხვევები.

„მოვითხოვ, როგორც ერთერთი მშობელი:

მკაცრად განისაზღვროს განათლების სამინისტროსგან რა არის სკოლის ექსკურსია და გაკეთდეს სავალდებულო დებულება!

1. გაკეთდეს ჩამონათვალი სად შეიძლება შემეცნებითი ექსკურსიის მოწყობა სკოლის მოსწავლეებისთვის.

2. შეირჩეს ტენდერის წესით სატრანსპორტო საშუალებები და მაღალკვალიფიციური, შემოწმებული მძღოლებით მოხდეს ტრანსპორტირება

3. განისაზღვროს ადგილები სად შეიძლება განახორციელონ გზაზე შესვენება.

4. სკოლებს აეკრძალოს მდინარის პირას, ჩანჩქერის გვერდზე, ტბასთან და კლდის თავზე ბავშვების გაჩერება!

დანარჩენი არის ქეიფი და მშობლები თავად გადავწყვეტთ, რომ ბავშვები არ გავუშვათ.“ - წერს ზურაბ მელიქიშვილი.