„მაჩალიკაშვილის საქმეზე მოვისმინეთ გომელაურის პასუხები და კომისიის შექმნა რომ იყოს აუცილებელი ოპოზიცია არ გაჩუმდებოდა“

„მაჩალიკაშვილის საქმეზე მოვისმინეთ გომელაურის პასუხები და კომისიის შექმნა რომ იყოს აუცილებელი ოპოზიცია არ გაჩუმდებოდა“ - სოფიო კილაძე

პოლიტიკა - 13:28, 27 May, 2019

844

პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე სოფიო კილაძე ამბობს, რომ სუს-ის უფროსის პარლამენტში მოსმენი დროს, დახურულ სხდომაზე დეპუტატებმა მოისმინეს პასუხები თემრილან მაჩალიკაშვილის გარდაცვალების საქმეზე და როგორც კილაძე ამბობს, ოპოზიციას კითხვები არ გასჩენია და კომისიის შექმნა არ მოუთხოვია.

„ჩვენ დავსვით მაჩალიკაშვილის საქმესთან დაკავშირებით კითხვები ბატონ ვახტან გომელაურთან, ოპოზიციაც იქ იმყოფებოდა და ის პასუხები, რომელიც მოვისმინეთ იყო გასაგები, მათ შორის ოპოზიციისთვისაც. ამ საქმეზე კომისიის შექმნა რომ იყოს აუცილებელი, ოპოზიცია იტყოდა პირველ რიგში და არ გაჩუმდებოდა. ჩვენ დახურულ სხდომაზე მოვისმინეთ პაუხები ვახტან გომელაურისგან“ - განაცხადა სოფიო კილაძემ.

სახალხო დამცველის ანგარიშში, რომლითაც ნინო ლომჯარია პარლამენტში წარსგა, ნათქვამია, რომ ამ დრომდე პროცესი გაუმჭვირვალედ მიმდინარეობს და ამ დრომდე ვერ მოხერხდა მაჩალიკაშვილის გარდაცვალების გამოძიება. მისივე შეფასებით, დღემდე პასუხგაუცემელია კითხვა, მაჩალიკაშვილის წინააღმდეგ რამდენად პროპორციულად იყო ძალა გამოყენებული.