„წელიწადნახევარი გავიდა გარდაცვალებიდან და ჩვენ კვლავ არ ვიცით რა ვითარებაში დაიღუპა თემირლან მაჩალიკაშვილი, ეს იწვევს, პროტესტის გრძნობას“

„წელიწადნახევარი გავიდა გარდაცვალებიდან და ჩვენ კვლავ არ ვიცით რა ვითარებაში დაიღუპა თემირლან მაჩალიკაშვილი, ეს იწვევს, პროტესტის გრძნობას“ - ომბუდსმენი

პოლიტიკა - 13:03, 27 May, 2019

833

სახალხო დამცველის ანგარიშში ერთ-ერთ მთავარ პრობლემადაა დასახელებული თემირლან მაჩალიკაშვილის გარდაცვალების საქმე. ნინო ლომჯარიას 450-გვერდიან მოხსენებაში ნათქვამია, რომ ამ დრომდე პროცესი გაუმჭვირვალედ მიმდინარეობს და ამ დრომდე ვერ მოხერხდა მაჩალიკაშვილის გარდაცვალების გამოძიება. მისივე შეფასებით, დღემდე პასუხგაუცემელია კითხვა, მაჩალიკაშვილის წინააღმდეგ რამდენად პროპორციულად იყო ძალა გამოყენებული.

„ყველაზე ხშირად ჩვენ გვიწევ ვისაუბროთ იმაზე, რომ გარკვეულ შემთხვევებში გამოძიება არის ხოლმე არაფერექტური, ან ჭიანურდება, ან ჩვენ არ გვაქვს სათანადო ინფორმხცია პროკურატურისგან, რომ შევაფასაოთ რამდენად ეფექტურად მიმდინარეობს გამოძიება. ეს შეეხება თითქმის ყველა იმ საქმეს, რასთან დაკავშირებითაც არსებობს მაღალი საზოგადოებრივი ინტერესი. უკვე წელიწადნახევარი გავიდა გარდაცვალების მომენტიდან, სამწუხარო ტრაგიკული შემთხვევიდან და ჩვენ კვლავ არ ვიცით გამოძიების პასუხები, რა ვითარებაში დაიღუპა თემირლან მაჩალიკაშვილი. ეს იწვევს, რა თქმა უნდა, ძალიან დიდ მღელვარებას და პროტესტის გრძნობას. ჩვენ ვფიქრობთ, რომ ეს დრო იყო საკმარისი იმისთვის, რომ გარკვეული შედეგები და პასუხები არსებობდეს გამოძიების მხრიდან,“ - განაცხადა ლომჯარიამ.

19 წლის თემირლან მაჩალიკაშვილი წელიწადნახევრის წინ პანკისის ხეობაში ჩატარებული სპეცოპერაციის დროს თავში დაიჭრა, რამდენიმე დღის შემდეგ კი საავადმყოფოში გარდაიცვალა.