თბილისის საკრებულოს ოპოზიციის წევრის ლევან ხაბეიშვილის განცხაებას იმასთან დაკავშირბით, რომ თბილისის მერიამ „არქი ჯგუფის“ პარტნიორ კომპანია “არკო“-ს 4 ათასი კვადრატული მიწის სანაცვლოდ, რომელიც სატყეო ზონაში მდებარეობს, 37 ათასი კვადრატული მეტრი მიწის ფართობი გადასცა, თბილისის მერმა უპასუხა. კახა კალაძე ხაბეიშვილის ბრალდებებს აბსურდულს უწოდებს, მისი თქმით, მოხდა ფასების მიხედვით მონაცვლეობა.

„მე არ ვიცი ზუსტად ახლა არკო, მარკო და პარკო. გეტყვით იმას,რომ როდესაც ხდება მონაცვლეობა, ძალიან მარტივი სქემით ხდება, ხდება შეფასება სამხარაულის მიერ ან დიდი ოთხეულიდან ან აკრედიტირებული ბიუროებიდან, ხდება შეფასება და ფასების მიხედვით ხდება მერე უკვე შეფასება.“- განაცხადა კალაძემ.

კალაძემ ასევე ისაუბრა 12 მილიონ ლარზე, რომელის ვალად აღებასაც მერია ბანკებიდან აპირებს:

„რაც შეეხება საკრედიტო ხაზს, სანამ ცენტრალური ბიუჯეტიდან თანხის მოწოდება ჯერჯერობით ვერ ხდება შესაბამისად ჩვენ ვხსნით საკრედიტო ხაზს, შეიძლება ამ თანხის გამოყენება არ იყოს საჭირო.“- განაცხადა კახა კალაძემ.