დავით გარეჯში შექმნილ სიტუაციას და საქართველო-აზერბაიჯანის საზღვრის დემარკაციის საკითხს საქართველოს პრემიერ-მინისტრი გამოეხმაურა. პრემიერის თქმით, კონსულტაციები ყველა დონეზე მიმდინარეობს. მამუკა ბახტაძის განცხადებით, ნაბიჯები იდგმება იმისთვის, რომ ორმა სტრატეგიულმა პარტნიორმა და მეზობელმა ქვეყანამ, დემარკაციის საკითხი დაასრულოს ცივილურად და მეგობრულად.

„ჩვენ ერთმნიშვნელოვნად დადებითად უნდა შევაფასოთ ის საკითხი, რომ ამდენი წლის შემდეგ კომისიებმა განაახლეს მუშაობა. მე არაერთხელ გავაკეთე კომენტარი ამ საკითხზე. კონსულტაციები იყო ყველა დონეზე და შესაბამისად ეს არის მნიშვნელოვანი ნაბიჯი იმისთვის, რომ ორმა მეზობელმა დემარკაციის ნაბიჯი დაასრულოს ცივილურად, ისე როგორც ეკადრება ჩვენს სტრატეგიულ პარტნიორობას და მეგობრობას. დარწმუნებული ვარ რომ ეს ასეც იქნება,“- განაცხადა მამუკა ბახტაძემ.