თავდაცვის მინისტრი აცხადებს, რომ საქართველოს ამერიკის შეერთებულ შტატებთან უპრეცედენტოდ მჭიდრო და ყოვლისმომცველი თანამშრომლობა აქვს, განსაკუთრებით, სამხედრო სფეროში.

რამდენიმე კვირის წინ, “ამერიკის ხმის” ჟურნალისტთან, ია მეურმიშვილთან ინტერვიუში, საქართველოს პრეზიდენტმა აღნიშნა, რომ “არ ჰგონია რეკომენდებული იყოს,” საქართველოში ამერიკული ბაზების მშენებლობა. თავდაცვის მინისტრმა, კი ამერიკის ხმასთან საუბრისას, პრეზიდენტის პოზიციის შეფასებისგან თავი შეიკავა და აღნიშნა, რომ ის, პერსპექტივაში, ამერიკული ბაზების საქართველოში არსებობას მხოლოდ მიესალმება.

აშშ-ში ვიზიტის შეფასებისას ლევან იზორიამ განაცხადა, რომ სტრატეგიულ პარტნიორთან თანამშრომლობა მნიშვნელოვანი წარმატებებით მიმდინარეობს და ამ წლის ბოლოს გაფორმდება სამწლიანი ჩარჩო-ხელშეკრულება, რომელიც კიდევ უფრო გააღრმავებს სამხედრო სფეროში თანამშრომლობას.