ლევან ხაბეიშვილის თქმით, დოკუმენტს მამუკა ბახტაძე აწერს ხელს. ხაბეიშვილის განცხადებით, მასში არაფერია ნათქვამი, თუ რის საფუძველზე გადაწყდა კონკრეტულად ამ თანხის გამოყოფა. ლევან ხაბეიშვილი საკითხის დაყენებას სარევიზიო კომისიის დღევანდელ სხდომაზე აპირებს.
"დოკუმენტში თანხა მილიონ 700 ათასი ლარი საიდან მოვიდა, რატომ არის საკმარისი ან რატომ შეიძლება ნაკლები არ იყოს, არ არის. საუბარი იმაზე რომ მილიონ 700 ათას ლარს დამატებით გამოყოფენ იმისთვის, რომ თურმე ესენი აზომონდა გაარკვიონ თბილისი რა ქონებას ფლობს, არის თბილისელებისთვის ნაცრის შეყრა თვალებში,"- აცხადებს ლევან ხაბეიშვილი.
თბილისის ვიცე-მერი ირაკლი ხმალაძე კი აცხადებს, რომ აღნიშნული თანხის გამოყოფა, შეთანხმდა საჯარო რეესტრის ეროვნულ სააგენტოსთან და ის ქონების აღრიცხვისთვის საჭირო ადამიანურ და ტექნიკურ რესურსს მოხმარდება.
მასალის გამოყენების პირობები






