"ფლანგვის დეტექტორი" მორიგ სკანდალურ ინფორმაციას ავრცელებს. მათი ინფორმაციით, ფოთის სტადიონის რეაბილიტაციისთვის 2013 წლიდან დღემდე ორმა კომპანიამ ავანსად გაცემული მილიონი ლარი მიითვისა. მესამე ტენდერში კი, რომელიც ორი წლის წინ გამოცხადდა, ბიძინა ივანიშვილთან დაკავშირებულმა კომპანიამ “ელიტა ბურჯმა” გაიმარჯვა, მიიღო თითქმის 2 მილიონი, თუმცა ამ დროისთვის მშენებლობის პირველი ეტაპიც კი არ არის ბოლომდე მიყვანილი. გავრცელებული ინფორმაციით, სტადიონისთვის დამატებით იგეგმება მუნიციპალური განვითარების ფონდიდან მილიონობით ლარის გამოყოფა.

„2013 წელს ფოთის მუნიციპალიტეტმა 468,000 ლარის ავანსი მისცა “ნიუ ქონსთრაქშენს”, რომელმაც ვალდებულება ვერ შეასრულა

2014 წელს გამოცხადებულ ახალ ტენდერში “კორპორაცია ხიდმა” გაიმარჯვა, ავანსად 510,000 აიღო და ერთ წელში მისი დირექტორი ამ თანხის მითვისებისთვის დააკავეს.

2017 წელს კვლავ გამოცხადდა ტენდერი, “ელიტა ბურჯს” 1,863,000 ლარად 2018 წლის იანვარში უნდა დაესრულებინა სამუშაო, მაგრამ პირველი ეტაპიც კი არ დაუსრულებელია და დამატებით დაფინანსებას მოითხოვს.

შპს “ელიტა ბურჯი” ბიძინა ივანიშვილთან დაკავშირებული ოფშორული კომპანია და ქართული ოცნების მსხვილი დამფინანსებელია.“- ნათქვამია „ფლანგვის დეტექტორის“ მიერ გავცელებულ ინფორმაციაში.