კავკასიის ინტერნეტ მედია ჯგუფისა და მედია ჰოლდინგ დრონი.ჯი-ს ხელმძღვანელმა, გიორგი კაპანაძემ, რომელიც ზუგდიდში არჩევნების დღეს დაკავეს, საქმის შესასწავლად ომბუდსმენს მიმართა.

კაპანაძის თქმით, მისი დაკავების ბრძანება კახაბერ საბანაძემ გასცა, რომელიც შსს მინისტრთან გიორგი გახარიაასთან იყო შეთანხმებული

„ჩემი ინფორმაციით, ეს უკანონო დაკავება განხორციელდა უშუალოდ კახა საბანაძის - შს მინისტრის მოადგილის, ბრძანებით, რომელმაც, ასევე ჩემი ინფორმაციით, კონსულტაცია გაიარა გახარიასთან. ეს მოხდა იმიტომ, რომ როგორმე გავენეიტრალებინე პროცესებისგან, როგორმე მოეწყოთ პროვოკაცია. ამას მოვითხოვ სახალხო დამცველისგან, შეისწავლოს, რატომ დამაკავეს უკანონოდ, ვინ მონაწილეობდა ჩემს დაკავებაში, ვინ გასცა ბრძანება და მისცეს თავისი უფლებამოსილების ფარგლებში კვალიფიკაცია, იყო ეს დანაშაული, გადაცდომა პოლიციელების მხრიდან და, თუ რა იყო ეს. თუ დანაშაული იყო, დაიწყოს გამოძიება" - აღნიშნა გიორგი კაპანაძემ.