"ერთიანი ნაციონალური მოძრაობის" წევრი თინა ბოკუჩავა, NDI-ის დღეს გამოქვეყნებულ კვლევას აფასებს.

მისი თქმით, ხელისუფლების მიმართ საზოგადოების დამოკიდებულება გასაკვირი არ არის, რადგან "ქართული ოცნების" არასწორი პოლიტიკის გამო ქვეყანა და მოქალაქეები დაზარალდნენ.

„კვლევა გვაჩვენებს რომ „ქართული ოცნების“ და მთავრი ოპოზიციური ძალის რეიტინგი ცდომილების ზღვრიდან გამომდინარე შესაძლებელია თანაბარია. თუმცა თუ გავითვალისწინებთ იმას, რომ როგორც წესი გადაუწყვეტელი ამომრჩეველი, ისევე როგორც ის რომელიც ამბობს, რომ უარს აცხადებს პასუხზე, არის ოპოზიციურად განწყობილი იმიტომ, რომ ის არის დაშინებული და ეშინია საკუთარი აზრის ღიად გამოხატვა. ეს ნიშნავს იმას, რომ სინამდვილეში ოპოზიციის მხარდაჭერა ბევრად უფრო მაღალია ვიდრე მმართველი გუნდის. ივანიშვილის სიტყვას ბრმად ასრულებს მურუსიძით დაწყებული, თალაკვაძე-კობახიძე-მდინარაძით დამთავრებული ყველა. პრემიერი არის ნომინალური. მინისტრები იხსნებიან ივანიშვილის განკარგულებით და ბუნებრივია სწორედ ამიტომ საუბრობენ საერთაშორისო ორგანიზაციები სახელმწიფოს მიტაცებაზე. იმიტომ, რომ აღარ არსებობს სახელმწიფო ინსტიტუტები" - აღნიშნა ბოკუჩავამ.