კომპანია HUAWEI Google-ს ქმედებებს ოფიციალური განცხადებით ეხმაურება

პოლიტიკა - 14:07, 21 May, 2019

1048

Google-ის მიერ, გუშინ გავრცელებულ ინფორმაციას კომპანია HUAWEI ოფიციალირ განცხადებით პასუხობს:

"გვინდა გაცნობოთ, რომ Google-ს ქმედებებთან დაკავშირებით, განგაშის საფუძველი არ არსებობს და ჩვენს მომხმარებლებს შიშის საფუძველი არ აქვთ.

HUAWEI-მ მნიშვნელოვანი წლვლილი შეიტანა Android სისტემის ზრდა-განვითარებაში მსოფლიო მასშტაბით. როგორც Android-ის ერთ-ერთი მთავარი გლობალური პარტნიორი, მჭიდროდ ვთანამშრომლობდით მათ ღია პლატფორმასთან რათა შეგვექმნა უკეთესი სისტემა, როგორც მომხმარებლების ისე ინდუსტრიის სასარგებლოდ.

კომპანია HUAWEI გააგრძელებს სისტემის უსაფრთხოების განახლებებს და გაყიდვების შემდგომ სერვისებს ჰუავეის ყველა იმ პროდუქტზე, რომელიც უკვე გაიყიდა ან/და წარმოადგენს გასაყიდ მარაგს.

ჩვენ ვაგრძელებთ მდგრადი და უსაფრთხო პროგრამული უზრუნველყოფის სისტემის მშენებლობას, რათა უზრუნველვყოთ მომხმარებელთათვის საუკეთესო მომსახურება.

რაც შეეხება Google-ის სერვისებს, შეგიძლიათ გაეცნოთ ანდროიდის ოფიციალურ განცხადებას, რომელიც თან ერთვის პოსტს.

https://twitter.com/Android/status/1130313848332988421

შეგახსენებთ, Google-ის მიერ გავრცელებული ინფორმაციით, Huawei-ის Android-ის სიტემის ზოგიერთი განახლებისადმი წვდომა შეეზღუდა, ხოლო ახალი სმარტფონები, რომლებსაც კომპანია გამოუშვებს, დაკარგავენ წვდომას Google Play Store-თან, YouTube-სა და Maps-თან.