ლარის გაუფასურებასთან დაკავშირებით ფინანსთა მინისტრმა ივანე მაჭავარიანმა კომენტარი გააკეთა.

მინისტრის თქმით, ლარის კურსის ცვლილებას თურქეთში მიმდინარე მოვლენებს უკავშირებს.

"თუ შეხედავთ, საგარეო ფაქტორებია. ერთ-ერთი განმაპირობებელი თურქეთის ფაქტორია. ზუსტად ამიტომ ერთ წელზე მეტია, ვსაუბრობთ დედოლარიზაციაზე, რომ ნაკლებად ვიყოთ დამოკიდებული დოლარზე, ნაკლებად იყოს დამოკიდებული ჩვენი მოსახლეობა უცხოურ ვალუტაზე. პარლამენტშიც იყო ცხარე დებატები, როდესაც ჩვენ ვთქვით, რომ შეზღუდვები დავაწესეთ იპოთეკურ სესხებზე დოლარში" - განაცხადა მინისტრმა.