"სააკაშვილის მესამე ადგილი არის უკვე ზღაპარი" - კობახიძეს NDI-ის კვლევის შედეგების არ სჯერა

პოლიტიკა - 13:18, 21 May, 2019

1168

პარლაენტის თავმჯდომარე ირაკლი კობახიძე NDI-ის კვლევის შედეგებს გამოეხმაურა. კობახიძეს არ სჯერა კვლევის შედეგების იმ ნაწილის, სადაც საქართველოს მესამე პრეზიდენტის, მიხეილ სააკაშვილის რეიტინგი ისევ მაღალია და ხალხი მის მიმართ დადებით შეფასებას აფიქსირებს.
როგორც უმაღლესი კანონმდებელი მიიჩნევს, მთავარი სოციოლოგიური გამოკითხვა არჩევნებია და როგორც ის ამბობს, 19 მაისის შედეგების თანახმად საზოგადოებაში „ქართლი ოცნება“ ლიდერობს.

„ამ არჩევნებში „ქართულმა ოცნებამ“ მიიღო ამომრჩევლის 61% მხარდაჭერა. ყოველთვის არის ხოლმე აცდენილი გარკვეული რეიტინგები არჩევნების შედეგებს. ამას რა მიზეზი აქვს, არ ვიცი. ფაქტი არის ერთი, მთავარი სოციოლოგიური კვლევის თანახმად, არჩევნების თანახმად, „ქართულ ოცნებას“ აქვს 61%-იანი მხარდაჭერა. ამ შემთხვევაში 12%-მა დაადასტურა „ქართული ოცნების“ მიმართ ძალიან მაღალი მხარდაჭერა. რაც შეეხება პოლიტიკოსების რეიტინგებს, სააკაშვილის მესამე ადგილი არის უკვე ზღაპარი. ეს კარგად იხილეთ ამ არჩევნებში. პასუხი გაეცა მიხეილ სააკაშვილს მკაფიოდ. მისი მეუღლე იღებდა ზუგდიდში არჩევნებში მონაწილეობას, დაფიქსირდა მოსახლეობის განწყობა. 43% არ იყო ამ კუთხით გასაკვირი, თუმცა ვხედავთ, რომ უკვე რღვევის პირას არის ეს პარტია და მათთვის 43% შეიძლება გახდეს საოცნებო, რაც მიიღეს ზუგდიდში,“ - განაცხადა ირაკლი კობახიძემ.