თბილისის მერის მოადგილის ილია ელოშვილის ინფორმაციით, ერიამ საბავშვო ბაღების საკვებით მომმარაგებელ კომპანია „ნილს“ ხელშეკრულება შეუწყვიტა.

„ბოლო პერიოდამდე საკმაოდ წარმატებით ასრულებდა „ნილი“ თავის მოვალეობას, რასაც ვერ ვიტყვით, რა თქმა უნდა, უკანასკნელი ორი კვირის განმავლობაში არის მუდმივი შეფერხებები, ხდება დაგვიანებით საკვების მიტანა. საკვები ხშირ შემთხვევაში იყო უხარისხო და შეუძლებელი იყო მისი გამოყენება და ამიტომ მოგვიწია მისი ჩანაცვლება. ჩვენ ვაკვირდებოდით, გაფრთხილებაც მივეცით კომპანია „ნილს,“ მაგრამ უნდა ითქვას, რომ ისევ ანალოგიური მდგომარეობაა, შესაბამისად ჩვენ მივიღეთ გადაწყვეტილება, რომ კომპანია „ნილს“ შეუწყდეს ხელშეკრულება. ამისი სრული მზადყოფნა ჩვენ გაგვაჩნია და გვაქვს ყველანაირი კონტრაქტუალური საფუძველი და უკვე უახლოეს რამდენიმე დღის განმავლობაში, შეიძლება კვირისაც, თვითონ ბაღები განახორციელებენ ავტონომიურად შესყიდვებს" - აღნიშნა ელოშვილმა.