გაერთიანებული ოპოზიციის ლიდერის, გრიგოლ ვაშაძის განცხადებით, გაერთიანებული ოპოზიციის ყველა ლიდერი ხმის დასაცავად მზადაა.

„ახლა მთავარი არის, რომ რაც შეიძლება უბნების გარშემო ყველა, ვინც ჩვენი მხარდამჭერი, ჩვენი დამკვირვებელი, ჩვენი კომისიის წევრი არის, უბნების გარშემო, უბნების ახლოს, უბნების შიგნით, რომ არ მივცეთ გაყალბების საშუალება, დავიცვათ ოქმები, დავიცვათ ყოველი ხმა,“ - განაცხადა გრიგოლ ვაშაძემ.

გაერთიანებული ოპოზიციის კიდევ ერთი ლიდერი, გიორგი ვაშაძე კი აბ~მბობს, რომ დამკვირვებლები შეძლებენ ხმების დაცვას, რადგან ყველა საჭირო ტრენინგი გავლილი აქვთ.

„ჩვენ გადავედით სტრატეგიაზე რიგითი ბიულეტენის გადასარჩენად... მე ვუსმენდი „ქართული ოცნების“ წარმომადგენლების განცხადებას, რომ 2 ათასი წარმომადგენელი ჰყავთ დარეგისტრირებული და დიდი ბოდიში, თქვენც დადიოდით და უზარმაზარი კორიდორები ჰქონდათ გაკეთებული საჯარო მოხელეებით, სახელმწიფოს კუთვნილი ავტომანქანებით, რომლითაც ფსიქოლოგიური წნეხის ქვეშ ჰყავდათ ხალხი. ეს არანორმალურია უკვე, რაც ხდება საარჩევნო თვალსაზრისით.... სანდრა რულოვსი ჩვენი მონაცემებით, იგებს არჩევნებს, თუმცა, ძალიან მნიშვნელოვანია თითოეული ხმა დავიცვათ,“ - განაცხადა ვაშაძემ.

შეგახსენებთ: შუალედური არჩევნები დასრულდა. საარჩევნო უბნები ნახევარი საათის წინ დაიხურა.