"გვჯერა სამეგრელოს მოსახლეობის არჩევანის და ამ ხმებს სჭირდება დაცვა, რადგან სახეზეა მუქარა და შანტაჟი"

"გვჯერა სამეგრელოს მოსახლეობის არჩევანის და ამ ხმებს სჭირდება დაცვა, რადგან სახეზეა მუქარა და შანტაჟი" - ზოდელავა

პოლიტიკა - 20:35, 19 May, 2019

804

საარჩევნო უბნებზე ხმის მიცემის პროცესი დასრულდა. ოპოზიციის ლიდერები ზუგდიდის 28-ე საარჩევნო უბანზე იმყოფებიან.

როგორც გაერთიანებული ოპოზიციის "ძალა ერთობაშიას" წევრმა მურთაზ ზოდელავამ აღნიშნა, ისინი საკუთარი კანდიდატის გამარჯვებაში დარწმუნებული არიან. მისივე თქმით, საარჩევნო უბნებზე ოპოზიციის ლიდერები ექსცესების თავიდან აცილების მიზნით ხმების დათვლის პროცესურების დასრულებამდე იქნებიან.

"მოლოდინი გვაქვს ოპტიმისტური იმიტომ, რომ ჩვენ ვთვლით ამ რეგიონში განსაკუთრებით კარგად იციან, რომ რამდენად გადამგდებია ეს ხელისუფლება. ის რომ ივანიშვილის დაპირებები არის ნული თეთრი და "ქართული ოცნების" დაპირებები არის ჩალის ფასი, ეს იციან ყველაზე უკეთ ამ რეგიონში. ჩვენ მიგვაჩნია, რომ ისინი შესაბამის პასუხს გასცემენ ხელისუფლებას. საარჩევნო უბნები უკვე დაიხურა და ჩვენ ინტენსიურად უნდა ვიმოძრაოთ, რადგან იცით, რომ დახურვის შემდეგ ხდება გარკვეული ექსცესები და ეს ასე, რომ არ მოხდეს ამიტომ მოვედით უბნებში, რომ აღვკვეთოთ თუ ასეთი შემთხვევები დაფიქსირდება. კარგად იცით, რომ საკრებულოს წევრმა დაანონსა, რომ იქნებოდა ყველა მეთოდების გამოყენება მათ შორის გატაცების, ორ დღეში საოლქო კომისიის წევრმა ჩვენს წამომადგენელს ტყვია ესროლა, ბოლოს კიდე დანელიას მუქარა გატაცებაზე გამოუვიდათ და გაიტაცეს ჟურნალისტი, რომელიც ჩართული იყო აი ამ გაყალბების და დაშინების კონკრეტული ფაქტების გამოვლენით და ეს მოხდა დღისით და მზისით. ყველაფერი სახეზეა, მუქარა და შანტაჟი რაც კი შეიძლება გამოყენოს ხელისუფლებამ, თუ ის ხელუსიფლება არაკეთილსინდისიერია, რომელსაც ეშინია არჩევნებში დამარცხების. ჩვენ გვჯერა ადამიანების არჩევანის და დარწმუნებულები ვართ, რომ ამ ხმებს სჭირდება დაცვა" - განაცხადა მურთაზ ზოდელავამ.