გიორგი ვაშაძის თქმით, თბილისის მერიის თითქმის ყველა პასუხისმგებელი პირიზუგდიდში იმყოფება და ბიუჯეტის სახსრებით „ქართული ოცნების“ აგიტაციას ეწევიან:

„ვინც კი საჯარო მოხელე იყო თბილისში და ხელმძღვანელ თანამდებობაზე ყველა ზუგდიდში იმყოფება საარჩევნო უბნებთან. დღეს წყალი რომ გასკდეს თბილისში ვინ მიხედავს არ ვიცი. მთელი თბილისის მერიის თანამშრომლები აქ არიან. საჯარო მოხელეები იმ მანქანებით, რომელსაც ჩვენი გადახდილი გადასახადებით ყიდულობენ, ბენზინით, რომელსაც ჩვენ ვუსხამთ, ისინი დგანან და ქართული ოცნებისთვის აგიტაციას აწარმოებენ.“- განაცხადა ვაშაძემ.

ვაშაძის თქმით, ხელისუფლება უბნებზე ციფრებით მანიპულირებს რათა დღის ბოლოს შედეგებზე მანიპულაცია მოახდინონ:

„ჩვენ აღმოვაჩინეთ ერთი უბანი სადაც ცესკო ცდილობდა ეჩვენებინა, რომ თითქოსდა 200 ადამიანით მეტი მოვიდა. ხელოვნურად ცდილობენ ციფრებით მანიპულაციას, რომ დღის ბოლოდ შედეგზე მანიპულაციის შესაძლებლობა ქონდეთ. ეს მოხდა მე-16 უბანზე და ჩვენი ზარის შემდეგ იძულებული გახდა საოლქო კომისია, რომ გაესწორებინა, ფაქტი იყო რომ ამხელა აქტივობა არ იყო. ახლა ვამოწმებთ ყველა უბანს და პირდაპირ მოვუწოდებთ საოლქოს და ცესკოს რომ შეეშვან მსგავსი სახის მანიპულაციას, იმიტომ რომ თითოეულ უბანზე გვყავს დამკვირვებლები, რომლებიც აკვირდებიან და აფიქსირებენ აქტივობას.“- განაცხადა გიორგი ვაშაძემ.