"არჩევნების გაყალბებასთან დაკავშირებით, ინფორმაციის მიწოდების შემთხვევაში ტელეკომპანია R2-ი 1000-ლარიან ჯილდოს აწესებს"- ნიკა გვარამია

პოლიტიკა - 10:28, 19 May, 2019

707

არჩევნების გაყალბების შესახებ ინფორმაციას მიწოდების შემთხვევაში ტელეკომპანია „რუსთავი 2“ 1000-ლარიან ჯილდოს აწესებს. აღნიუშნულ ინფორმაციას არხის გენერალური დირექტორი ავრცელებს. ნიკა გვარამიამ სოციალურ ქსელში, ვიდეო მიმართვა გაავრცელა სადაც ის, საზოგადოებას მიმართავს და ამბობს, რომ ყველას ვის მოსყიდვასაც შეეცდებიან, ვისაც პასპორტს წაართმევენ, ან სხვაგვარად შესთავაზებენ არჩევნების გაყალბებას, „რ2“ ამის გაცხადებისთვის 1000 ლარიან ჯილდოს სთავაზობს.

„ყველა ადამიანი, რომელიც ეთერში ინფორმაციას რაიმენაირი ფორმით დადასტურებულს მოიტანს, რომ მასზე არჩევნების გაყალბების მიზნით ზეწოლა ხორციელდება, რომ არჩევნები ყალბდება მისი მეშვეობით ნებისმიერი ფორმით, ის ადამიანი ჯილდოდ „რუსთავი 2“-სგან 1000 ლარს მიიღებს. ეს არის ოფიციალური განცხადება. ამას ვაცხადებ სრული პასუხისმგებლობით, აბსოლუტურად საღ გონებაზე მყოფი. „რუსთავი 2“ 1000 ლარიან ჯილდოს აწესებს თითოეულ ადამიანზე, რომელიც ინფორმაციას მოიტანს იმის შესახებ, თუ როგორ ყალბდება არჩევნები ნებისმიერ უბანზე, ეს იქნება ზუგდიდში, მთაწმინდაზე, ზესტაფონში, ხულოში, გურიაში, მარნეულში, თუ ნებისმიერ სხვა ადგილზე. ჩვენი დამოკიდებულება ასეთია, საარჩევნო ადმინისტრაციასა და „ქართული ოცნების“ ხელისუფლებას ვამხელთ, არჩევნების გაყალბებაში და ამისთვის გვჭირდება მტკიცებულებები და ამ მტკიცებულებების მოპოვებისთვის 1000-ლარიან ჯილდოს ვაცხადებთ. ქართული სახელმწიფოს წარმატებისთვის იმუშავეთ და მოიპოვეთ თავისუფლება ჩვენთან ერთად“,- განაცხადა გვარამიამ.