გაერთიანებული ოპოზიციის ერთ-ერთი ლიდერი ბაჩუკი ქარდავა ზუგდიდში მიმდინარე არჩევნების პროცესს გამოეხმაურა. ბაჩუკი ქარდავას თქმით, ხელისუფლებას სურს რომ აქტივობა იყოს დაბალი, ოპოზიციის ინტერესებში კი შედის, რომ აქტივობა იყოს მაღალი, რადგან ამომრჩევლის აქტიურობის შემთხვევაში ხელისუფლებას შანსები არ აქვს.

“ამ დრომდე პროცედურული დარღვევებია ძირითადად, არ ვიცი რამდენად არის ეს შეცდომები თუ შეგნებულად ხდება კომისიების თავმჯდომარეების მხრიდან. განცდა მიჩნდება, რომ ხელისუფლებას სურს აქტივობა იყოს დაბალი, ოპოზიციის ინტერესებში კი შედის, რომ აქტივობა იყოს მაღალი. იყო რამდენიმე პროცედურული დარღვევა, სადაც ბეჭედი არ იყო გამოყენებული სწორად, მაგრამ ერთი ძალიან მნიშვნელოვანი კომპონენტი, რაც გამოიკვეთა, რამდენიმე დღის წინ ჩვენს მიერ აღკვეთილი საოლქო კომისიიდან სიები გატანის მცდელობა, დღეს უბნებთან რომ მივიდეთ ვნახავთ, რომ ოცნების კოორდინატორები აქტიურად იყენებენ ამ სიებს და სწორედ ამიტომაც სჭირდებოდათ, რომ არა ოპოზიციის აქტიურობა, ეს სიები არასწორად იქნებოდა გამოყენებული.. თუნდაც ის ფაქტი, რომ 31 ადამიანი, რომელიც იიყო დაფიქსირებული გადასატან ყუთში და შემდეგ საკონტროლო ბეჭდის გარეშე საკონტროლო ბიულეტენის ჩაგდება ყუთში, ამ ყუთის გაუქმების სურვილი გაუჩნდა კომისიას, რომ არა ჩვენი წარმომადგენლის აქტიურობა, ალბათ გააუქმებდნენ. პროცედურული ფორმა აქვს დარღვევებს, მაგრამ საბოლოო ჯამში მას გავლენა ექნება ამომრჩევლის აქტივობაზე. თუ ამომრჩეველი ასე 30-31 რაოდენობით ამოყარეს, ბუნებრივია, რომ ეს საბოლოო ჯამში შედეგზე გავლენას იქონიებს. მაინც მე ასე დავასკვნიდი, რომ თუ იქნება ზუგდიდში მაღალი აქტივობა, ხელისუფლებას არანაირი შანსები არ აქვს, ეს იციან კომისიებმა და მათ აქვთ ეს მითითება და ამაში იყენებენ იმ სიებს საოლქოდან გატანილს.“- განაცხადა ბაჩუკი ქარდავამ.