„მათაც იციან , რომ „ქართული ოცნების“ კანდიდატი უპირატესობას ფლობს და ემზადებიან არეულობისთვის“- თალაკვაძე ოპოზიციას ბრალდებებს უყენებს

პოლიტიკა - 14:30, 18 May, 2019

998

საპარლამენტო უმრავლესობის ლიდერი არჩილ თალაკვაძე ოპოზიციას პროვოკაციების დაგეგმავში ადანაშაულებს, მისი თქმით ოპოზიციამ იცის, რომ მმართველი გუნდის კანდიდატი უპირატესობას ფლობს და სწორედ ამიტომ არეულობისთვის ემზადება და მობილიზებული ჰყავთ ადამიანები სხვადასხვა ორგანიზაციების საფარქვეშ, რომლებიც მისი თქმიათ, სწორედ ზუგდიდის არჩევნებისთვის შეიქმნა.

„ჩვენი ინფორმაციით, „ნაციონალურ მოძრაობას“ და მასთან დაკავშირებულ სატელიტ პარტიებსაც აქვთ იგივე მონაცემები. მათაც იციან უკვე რამდენიმე დღეა, რომ „ქართული ოცნების“ კანდიდატი ფლობს ამ უპირატესობას. სწორედ ამით აიხსნება, რომ ბოლო დღეების განმავლობაში, მათი კამპანია შეიცვალა აგრესიით, პროვოკაციებითა და მცდელობებით, რომ არეულობა და დესტაბილიზაცია მოხდეს ზუგდიდის არაერთ უბანზე. ისინი ემზადებიან ასეთი არეულობისთვის. ორგანიზაციების საფარქვეშ, რომელთა ნაწილი ახლად დარეგისტრირებულია. თუ ნახავთ საარჩევნო ადმინისტრაციის მიერ მოწოდებულ ინფორმაციას, იქ არის მთელი რიგი ორგანიზაციები, რომლებიც სინამდვილეში არ არიან შემდგარი არასამთავრობო ორგანიზაციები ან მედია ორგანიზაციები, მაგალითად, ასეთები არიან ჩამონათვალში: ორგანიზაცია „აპრიორი“, „პოლიტიკისა და სამართლის ობსერვატორია“, მედიაპლატფორმა და მედიაკომპანია „სის როპი “ და სხვა ახალი სახელები, რომლებიც მაღალი ალბათობით, სპეციალურად ზუგდიდის არჩევნებისთვის არის შემქნილი. ამ ორგანიზაციებში გაწევრიანებული ადამიანების უმეტესობას ხვალ არჩევნებში ექნება ზონდერისა და პროვოკაციების მოწყობის ფუნქცია.“- განაცხადა თალაკვაძემ.