ამომრჩეველზე ზეწოლის საქმეში ე.წ კრიმინალური ავტორიტეტები ჩართეს, გეგეჭკორებს ურთა-ცაიშის კონტროლი დაევალა

ამომრჩეველზე ზეწოლის საქმეში ე.წ კრიმინალური ავტორიტეტები ჩართეს, გეგეჭკორებს ურთა-ცაიშის კონტროლი დაევალა - "კურიერი"

პოლიტიკა - 13:49, 18 May, 2019

1156

საარჩევნოდ მოსახლეობის დაშინების პროცესში ე.წ კრიმინალური ავტორიტეტებიც ჩაერთვნენ. როგორც კურიერი კონფიდენციალურ წყაროზე დაყრდნობით იუწყება, ამ პროცესში აჩართულია ე.წ კანონიერი ქურდის, როლანდ გეგეჭკორის ძმა, როინ გეგეჭკორი. ის და მისი ახლობლები გვიან ღამით სახლებში დადიან და ამომრჩევლისგან „ქართული ოცნებისთვის“ ხმის მიცემას მოითხოვენ

წყაროს ცნობით, სახელმწიფო უსაფრთხოების სამსახურმა ძმებ გეგეჭკორებს მისცა დავალება, რომ იყვნენ ორი სოფლის "მაყურებლები", წინააღმდეგ შემთხვევაში მათ ოჯახებზე დევნა გამოცხადდება.

„სუს-ისგან აქვთ ასეთი დავალება მიღებული, რომ „ქართული ოცნებისთვის“ იმუშაონ, ხმები აგროვონ. დადის, მუშაობს ეს ადამიანი. ასევე იმასაც ამბობენ, რომ თუ ამას არ გააკეთებს, მოუწევს ქვეყნის დატოვება, დევნას დაიწყებენ. ვისთანაც გაუვა, აკეთებინებს იმას, რომ „ქართული ოცნება“ შემოახაზინოს არჩევნებზე. მაინც ცნობილი ოჯახიდან არის და მენტალიტეტიდან გამომდინარე, მეტ-ნაკლებად გავლენა აქვს. შედარებით ღამის პერიოდში მიდიან და ხალხს ელაპარაკებიან,“ - განცხადა „კურიერთან“ კონფიდენციალურმა წყარომ.

გეგეჭკორის ოჯახის წევრები ამომრჩეველზე ზეწოლასთან როინ გეგეჭკორის კავშირს არ ადასტურებენ. როინ გეგეჭკორის თქმით, მისი ქმარს რუსეთში აქვს ბიზნესი და ახლა საქართველოში მკურნალობის მიზნით იმყოფება, მაზლი-როლანდ გეგეჭკორი კი დიდი ხანია აღარ უნახავს.