"სიპების და აიპების თანამშრომლებმა რატომღაც ერთ დღეს გადაწყვიტეს, შვებულების დაწერა და შვებულების ზუგდიდში გატარება"- ზაალ უდუმაშვილი

პოლიტიკა - 13:13, 18 May, 2019

987

„ერთიანი ნაციონალური მოძრაობის“ პოლიტსაბჭოს წევრის ზაალ უდუმაშვილის თქმით, „ქართული ოცნება“ ზუგდიდში არა მარტო სამართალდამცავების, არამედ საჯარო მოხელეების მობილიზებასაც ახდენს. უდუმაშვილის განცხადებით, მიუხედავად ხელისუფლების მცდელობისა,ზუგდიდელებს გადაწყვეტილება უკვე მიღებული აქვთ და ისინი ამ არჩევანს ხვალ საარჩევნო უბანზე დააფიქსირებენ, როგორც ოპოზიციის ერთ-ერთმა ლიდერმა „ნიუპოსტთან“ საუბარში აღნიშნა, იმისთვის რომ ხელისუფლებამ არჩევნების გაყალბება ვერ მოახდინოს, ოპოზიცია დამკვირვებლების უპრეცენდენტო მობილიზებას ახდენს:

„ქართული ოცნება რომ სრულ მობილიზაციას გამოაცხადებდა ეს ყველასთვის ცნობილი ფაქტი იყო, არა მარტო სამართალდამცველებზეა საუბარი, ყველა სიპების და აიპების თანამშრონმლებმა რატომღაც ერთ დღეს გადაწყვიტეს, რომ შევებულებაზე დაეწერათ განცხადებები და ყველას შვებულება გაეტარებინა ზუგდიდში, ასე რომ ეს ხალხი ჩამოყავთ ახლა აქ თითქოს რაღაცა მხარდაჭერისა და დახმარებისთვის, მაგრამ რეალურად ზუგდიდელებს დიდი ხანია გადაწყვეტილება მიღებული აქვთ და არჩევანი გაკეთებული აქვთ, უბრალოდ ხვალ საჭიროა რომ ეს არჩევანი ოფიციალურად დააფიქსირონ საარჩევნო უბანზე, ჩვენ რა თქმა უნდა ჩამოგვყავს უამრავი დამკვირვებელი, საერთო ჯამში იქნება 5 ათასი დამკვირვებელი, ყველა უბანზე იქნება წარმოდგენილი ჩვენი დამკვირვებელი სწორედ იმისთვის, რომ არ მოხდეს არჩევნების გაყალბება.“- განაცხადა ზაალ უდუმაშვილმა.