17 მაისს, ამხანაგობა „აქოლისის“ თავმჯდომარე აკაკი ზერეკიძემ და საქართველოს რეგიონული განვითარებისა და ინფრასტრუქტურის სამინისტროს წარმომადგენელმა ნინო გვენცაძემ, ქალაქ მცხეთის გუბერნატორის მოადგილე ირაკლი ცქიტიშვილთან და მცხეთის კულტურული მემკვიდრეობისა და ტურიზმის განვითარების ცენტრის დირექტორ რევაზ მამულაშვილთან ერთად ქალაქ მცხეთის სასტუმროების მფლობელებთან და მცირე ბიზნესის წარმომადგენლებთან შეხვედრა გამართეს.

აკაკი ზერეკიძემ დამსწრეებს ამხანაგობა „აქოლისის“ საქმიანობაზე, ჯგუფის ხედვებსა და სამომავლო თანამშრომლობაზე ესაუბრა.

შეხვედრა დაინტერესებულ მხარეებთან კითხვა-პასუხის რეჟიმში წარიმართა. დამსწრეებმა ისეთ პრობლემურ საკითხებზე გაამახვილეს ყურადღება, როგორიც ქალაქ მცხეთაში ტურიზმის განვითარება, გარე ვაჭრობა, პარკირების პრობლემა, რეკრეაცილული სივრცეების არარსებობა და მორატორიუმია.

აკაკი ზერეკიძემ, ნინო გვენცაძესთან ერთად შეხვედრააზე დასმული ყველა პრობლემური საკითხი განიხილა და დამსწრეებს სამომავლო თანამშრომლობას დაპირდა. აქვე აღნიშნა, რომ ქ. მცხეთის სივრცით-ტერიტორიული განვითარების მართვის დოკუმენტაციის შემუშავების პროცესში აქტიურად მოისმენს მცხეთის მაცხოვრებლების აზრს, როგორც ერთ-ერთი დაინტერესებული მხარის. აქვე, მან მაცხოვრებლების სხვა ჯგუფთანაც სამომავლო შეხვედრა დაანონსა.