"ქართული ოცნების" წევრების სრული მობილიზება ზუგდიდში - აღნიშნულთან დაკავშირებით, მმართველი გუნდის ზუგდიდის მერობის კანდიდატი უჩვეულოს ვერაფერს ხედავს და აცხადებს, რომ ხელისუფლების წარმომადგენლები, რომლებიც სამეგრელოში იმყოფებიან ამჟამად შვებულებაში არიან.

„არ ვიყენებთ ჩვენ ადმინისტრაციულ რესურსს, თქვენ იცით, რომ ადამიანები, რომლებიც ჩართულები არიან თავიანთი ნებით საარჩევნო პროცესში, იმყოფებიან დღესდღეობით შვებულებაში და ჩვეულებრივად, მათ აქვთ უფლება, მიიღონ წინასაარჩევნო კამპანიაში მონაწილეობა. ამაზე არავითარი შეზღუდვა არ არსებობს. ასე რომ, მუდმივი აპელირება ამაზე, რომ ადმინისტრაციულ რესურსს ვიყენებთ, არამართებულია" - აღნიშნა შენგელიამ.