არჩევნებამდე ორი დღით ადრე „ოცნებამ“ სრული მობილიზება გამოაცხადა და ზუგდიდში სამთავრობო დესანტი გადასხა - მმართველი გუნდის წევრები მოსახლეობას „ოცნებისთვის“ ხმის მიცემას აიძულებენ

პოლიტიკა - 19:32, 17 May, 2019

1004

აფხაზეთის მთავრობის თავმჯდომარე რუსლან აბაშიძე, სოფელ რიყეში იმყოფება , კარდაკარ დადის და მოსახლეობას „ქართული ოცნებისთვის“ ხმის მიცემას აიძულებს.

მასთან ერთად იმყოფება შინაგან საქმეთა სამინსიტროს მაღალჩინოსანი ანზორ მარგიანი, რომელიც, აფხაზეთის პოლიციის დეპარტამენტის დირექტორია.

აფხაზეთის მთავრობის ახლადდანიშნული თავმჯდომარე მის ზუგდიდში ყოფნასა და მოახლოებულ არჩევნებთან კავშირს უარყოფს.

„აგიტაციაში ვერ დაგეთანხმებით, რას ეძახით, მაგრამ მე დღეს ვიყავი ერთ-ერთ ძალიან მნიშვნელოვან ობიექტზე, კომფაქტურ დასახლებაში, რიყეზე და მქონდა შეხვედრა დევნილ მოსახლეობასთან.

„ეს არჩევნებთან არ არის კავშირში არანაირად. ბევრი რაღაცები ემთხვევა, დღეს არის 17 მაისი და ოჯახის სიწმინდის დღესასწაულთან დაკავშირებული დღე და ამას დავაკავშირეთ ჩვენი ღონისძიება. იმიტომ რომ ჩვენ ვთვლით, რომ ჩვენ ვართ ოჯახი და ვერც ერთი ძალა ვერ დააშორიშორებს. ჩვენ დავარღვიეთ ფორმატი და აწი გადავწყვიტავთ განსხვავებულ ფორმატში აფხაზეთობის განხორციელებას,“ - აცხადებს რუსლან აბაშიძემ.
ზუგდიდში არიან პარლამენტის დეპუტატები, საკრებულოს წევრებიც და ისინი არ მალავენ, რომ საარჩევნო პროცესში მონაწილეობის მისაღება არიან ჩამოსული ზუგდიდში. პარლამენტის თავდაცვილსა და უშიშროების კომიტეტის თავმჯდომარის მოადგილე კობა კობალაძე, აცხადებს, რომ საარჩევნო პროცესში მონაწილეობას მიიღებს როგორც დამკვირვებელი .
"არეჩევნებში მონაწილეობას მივიღებ ,როგორც დამკვირველი და წარმომადგენელი საარჩევნო უბნებზე" - აცხადებს კობალაძე.სამეგრელოში იმყოფება თბილისის საკრებულოს ქონების მართვისა და საფიბნანსო-საბიუჯეტო კომისიის თავმჯდომარე ირაკლი ზარქუაც. მისი თქმით, ყველა თანამდებობის პირი, რომელიც სამეგრეში იმყოფება არის შვებულებაში.ჩემთვის მნიშვნელოვანია, რომ ქართული ოცნების წარმომადგენელმა გაიმარჯვოს სამეგრელოში. ვინც აქ ვიმყოფებით, თანამდენონის პირი, ყველა ვართ შვებულებაში და არც ერთი არ ვსარგებლობთ სახელმწიფო მანქანებით. ყველა ვართ ჩამოსული ან ნათესავის მანქანით ან პირადი მანქანით" - აცხადებს ირაკლი ზარქუა.