პარლამენტის თავმჯდომარე ირაკლი კობახიძე Ipsos მიერ ჩატარებული კვლევას არ ეთანხმება და შედეგების გაყალბებაში ოპოზიციას ადანაშაულებს.

მისი თქმით, აღნიშნული კვლევა წინასწარმეტყველებაა, რომლის გამოქვეყნებაზე ორიენტირებული ტელეკომპანია "რუსთავი 2"-ია.

"2020 წელთან დაკავშირებით სოციოლოგიური კვლევები არ ტარდება ხოლმე. ეს არის არა სოციოლოგიური კვლევა, არამედ წინასწარმეტყველება და წინასწარმეტყველების გამოქვეყნებაზე არის გადასული „რუსთავი2“. რაც შეეხება „რუსთავი2“-ის, იგივე „ნაცმოძრაობის“ კვლევებს, ისინი ყოველთვის აცხადებენ ხოლმე კვლევის შედეგებს და ბოლოს არჩევნების მეორე დღეს სხედან ხოლმე საკუთარ ეთერში. ეს არის პრაქტიკა, რომელიც დაამკვიდრეს ბოლო წლების განმავლობაში, ადრე აყალბებდნენ ისინი არჩევნებს, ახლა კვლევის შედეგებს, ბუნებრივია არავითარი შედეგის მომტანი კვლევების გაყალბება არ არის. როდესაც საბოლოო ჯამში გამოცხადდება არჩევნების ოფიციალური შედეგები, გპირდებით, რომ ეს შედეგები დაემთხვევა იმ კვლევის შედეგებს, რომელიც გვაქვს ჩვენ და რომელიც უდევს „ნაცმოძრაობას“ და ნიკა გვარამიას" - აღნიშნა პარლამენტის თავმჯდომარემ.