აფხაზეთში ხაჯიმბას ოპოზიციის ლიდერი მოწამლეს

პოლიტიკა - 18:14, 17 May, 2019

1066

აფხაზეთში ოპოზიციის ლიდერი, საოკუპაციო რეჟიმის ე.წ. პარლამენტის დეპუტატი, ასლან ბჟანია მოწამლეს, - ასეთი დასკვნა დადო ბიოლოგიური მონაცემების საფუძველზე გერმანულმა საექსპერტო სააგენტომ NY ჰეფემ, რომელიც ჰამბურგში მდებარეობს.

ასლან ბჟანია 2019 წლის 18 აპრილს მძიმე ტოქსიკური დიაგნოზით მოსკოვის ერთერთ საავადმყოფოში გადაიყვანეს. ანალოგიური დიაგნოზით, სკლიფასოვსკის კლინიკაში მოათავსეს მისი დაცვის 2 წევრი.

ბჟანიას ოჯახის წევრებსა და პოლიტიკურ თანამებრძოლებისთვის დღემდე უცნობი იყო რეალური დიაგნოზი, სანამ გერმანიაში გაგზავნილი მონაცემების საფუძველზე ზემოთ აღნიშნული დასკვნა არ ჩამოვიდა.

კერძოდ, დასკვნაში ნათქვამია, რომ მის სისხლში მკვეთრად არის გაზრდილი ტყვიის შემცველობა სისხლში, ალუმინის შემცველობა შარდში, ასევე კადმიუმისა და ბენზოდიაზეპინების მაჩვენებლები.

ამასთან ეს ბიოლოგიური მონაცემები აღებუ იქნა ჟანიასთვის სისხლის გაწმენდითო 2 პროცედურის ჩატარების შემდგომ. თითქმის ანალოგიურია დაცვის წევრთა ანალიზების დასკვნებიც. დასკვნაში ასევე გამორიცხულია, რომ ეს მონაცემები ინფექციური დაავადების შედეგად არის გაუარესებული.

აფხაზური ოპოზიცია აცხადებს, რომ ეს დასკვნები ადასტურებს პოლიყიკური ტერორის არსებობას აფხაზეთში, რაც, მათი თქმით 90-იანი წ,ლების შემდგომ გრძელდება.

2019 წელს, ივლისში, აფხაზეთში ე.წ. საპრეზიდენტო არჩევნები ტარდება, სადაც ბჟანია ერთრთი რეალური კანდიდატი უნდა ყოფილიყო. ოპოზიცია ბჟანიას მოწამვლას ხელისუფლებას აბრალებს და არჩევნების შემოდგომაზე გადატანას ითხოვს.