ლევან იოსელიანმა საარჩევნო კამპანიის ბოლო დღე ქალაქის გამწვანებას დაუთმო

პოლიტიკა - 16:30, 17 May, 2019

505

მთაწმინდის რაიონის მაჟორიტარობის დმოუკიდებელმა კანდიდატმა ლევან იოსელიანმა საარჩევნო კამპანიის ბოლო დღე ქალაქის გამწვანებას დაუთმო.

იოსელიანმა და ელისაშვილმა დღეს მთაწმინდაზე ლაღიძის #2 მდებარე ეზო გაამწვანეს, სადაც 100-ზე მეტი ოჯახი ცხოვრობს. აღნიშნული ინიციატივის მიზანი იყო რომ ქალაქში საარჩევნო პლაკატების ბეჭდვასა და განთავსებაზე გამოყოფილი ბიუჯეტი მთაწმინდის რაიონის გამწვანებაში დახარჯულიყო. სწორედ ამ ინიციატივის ფარგლებში, მიმდინარე თვის განმავლობაში იოსელიანმა ალექსანდრე ელისაშვილთან და მხარდამჭერებთან ერთად მთაწმინდაზე,სოლოლაკში, ვერასა და ოქროყანაში, ჯამში 100-მდე წიწბობანი ნერგი დარგო.

"არჩევნებამდე ორი დღე დარჩა. კამპანიის "გამწვანება, პლაკატების ნაცვლად" ფარგლებში, ნერგები ბოლოჯერ დავრგეთ. თუმცა დედაქალაქის გამწვანებას, არჩვენების შემდეგაც გავაგრძელებთ. ჩვენი მიზანი, რომელიც საარჩევნოდ, "პლაკატებით" თბილისის დამახინჯებას ეწინააღმდეგებოდა, ნაწილობრივ მიღწეულია. მოგვდის ხმები, რომ მაჟორიტარობის რამდენიმე კანდიდატი, რომლებმაც საკუთარი გამოსახულებით მთაწმინდა ააჭრელა, ამას ნანობს. 19 მაისის შემდეგ, ყველა გაკრულ "პლაკატს" სათითაოდ გავაკონტროლებთ და თუ არ ჩამოხსნიან, ამის გაკეთებას ჩვენ ვაიძულებთ"- განაცხადა ლევან იოსელიანმა.