პოზიტიური დამოკიდებულება და გავლენა საზოგადოებაზე - გამოკითხვაში კახა კალაძე და მიხეილ სააკაშვილი ლიდერობენ

პოლიტიკა - 12:30, 17 May, 2019

2548

რომელი პოლიტიკოსების მიმართ არის მოსახლეობაში ყველაზე პოზიტიური დამოკიდებულება? - კომპანია "იპსოსის" კვლევით თანახმად, რესპოდენტთა ყველაზე დიდი ნაწილი დადებითად ახასიათებს თბილისის მერს, კახი კალაძეს - 28%.

მას მცირედი სხვაობით მოსდევს საქართველოს მესამე პრეზიდენტი, მიხეილ სააკაშვილი - 26%. მას მოჰყვება შინაგან საქმეთა მინისტრი, გიორგი გახარია - 25%.

პრემიერ-მინისტრ მამუკა ბახტაძეს დადებითად ახასიათებს 22%.

საქართველოს მოქმედი პრეზიდენტი, სალომე ზურაბიშვილი 18%-ისთვისაა პოზიტიური პოლიტიკური ფიგურა.

14%-ისთვის კი პარლამენტის თავმჯდომარე, ირაკლი კობახიძე.

კვლევის მიხედვით საზოგადოებაში ყველაზე დიდი გავლენით "ქართული ოცნების" გენერალური მდივანი, დედაქალაქის მერი კახი კალაძე სარგებლობს - 31%.

გამოკითხულთა 29% ყველაზე დიდ გავლენას, საქართველოს მესამე პრეზიდენტს, მიხეილ სააკაშვილს მიაწერს. 28% კი ასახელებს შს მინისტრ გიორგი გახარიას.

გამოკითხულთა 23% ამბობს, რომ ყველაზე დიდი გავლენით პრემიერ-მინისტრი მამუკა ბახტაძე სარგებლობს.

გამოკითხულთა 18% -ისთვის პრეზიდენტი სალომე ზურაბიშვილი სარგებლობს დიდი გავლენით.

16% კი ირაკლი კობახიძეს აღიქვამს ყველაზე გავლენიან პოლიტიკოსად.