ზუგდიდის საოლქო კომისიის ჩანიშნული სხდომა, ოპოზიციის გამოჩენის შემდეგ გადაიდო

პოლიტიკა - 10:50, 16 May, 2019

905

ზუგდიდში ვითარება ისევ დაძაბულია. ოპოზიცია საკრებულოს საგანგებო სხდომის დანიშვნას და ფარული ჩანაწერების მთავარი მონაწილის გია დანელიას საქმიანობის შესწავლას ითხოვს. ასევე ისინი საოლქო საარჩევნო კომისიის თავმჯდომარეს, მირანდა მესხს კანონდარღვევაში და არჩევნების გაყალბების მცდელობაში ადანაშაულებენ და მის გადადგომას ითხოვენ.

ზუგდიდში საოლქო კომისიის სხდომა უნდა დაწყებულიყო, თუმცა, სავარაუდოდ, იმის გამო, რომ სხდომაზე დასასწრებად ოპოზიციის წარმომადგენლები მოვიდნენ, ის ერთი საათით გადაიდო.

„გუშინ მთელი დღის მანძილზე დავდიოდით უბნებზე, რათა გადაგვემოწმებინა სად ჰქონდათ სამაგიდო სიები ვიდრე შევძლებდით მათ დაბრუნებას, ისევე როგორც ბეჭდების ანამ ამოვიღებდით მოქმედებიდან და გამოვაგზავნინებდით ცესკოს ახალ ბეჭდებს. აღმოჩნდა, რომ არანაირად დაცული არ იყო არც სიები და არც ბეჭდები, რომელზეც საუბრობდა მირანდა მესხი, ამიტომ მირანდა მესხმა უნდა დატოვოს თანამდებობა. თამარ ჟვანიამ უნდა მიიღოს ეს გადაწყვეტილება,“-ამბობს „ნაციონალური მოძრაობის“ ერთ-ერთი ლიდერი თინა ბოკუჩავა.

ბოკუჩავა ამბობს, რომ კომისიის სხდომის გადადების მიზეზი შესაძლოა ისიც იყოს, რომ თამარ ჟვანიასთან და "ქართული ოცნების" შტაბის რეალურ უფროს, გიორგი გახარიასთან მირანდა მესხთან დაკავშირებული საკითხები ზუსტდება. ბოკუჩავა იმასაც ამბობს, რომ უბნებზე შს სამინსიტროს თანამშრომლები იარაღებით დგანან, რაც კანონდარღვევაა.

„ალბათ რეალურ შტაბის უფროსთან ეს არის გიორგი გახარია ხდება დეტალების შეთანხმება, რის გამოც გადაიდო სხდომა. ჩვენი გამოჩენის ძალიან ეშინიათ იმიტომ რომ ჩვენ ერთხელ უკვე აღვკვეთეთ მათი მთავარი გაყალბების სქემა,. დავაბრუნებინეთ სიები, გამოვაგზავნმინეთ ბეჭდები და როგორ ჩანს ჩვენი გამოჩენა მათთვის საფრთხის შემცველია,“-აცხადებს ბოკუჩავა.