საინიციატივო ჯგუფის მიერ წარდგენილი ზუგდიდი მერობის კანდიდატის თენგიზ ჯგუშიას მხარდამჭერი აცხადებს, რომ მისი სოფლის გამგებელმა იმის სანაცვლოდ, რომ ჯგუშიას მხარდაჭერაზე უარი ეთქვა 100 ლარი შესთავაზა. ორი მცირეწლოვანი შვილის მამის, ჭითაწყარის მაცხოვრებელი დემურ ზარანდიას თქმით, ის სოფლის გამგეობაში მძიმე სოციალურ პირობებთან დაკავშირებით მივიდა:

„მივედი სოფლის გამგეობაში, ჩემი სოფლის გამგებელი არის ბადრი დარასელია და მეუბნება აჰა 100 ლარიო, თენგოსთან რატომ მიხვედიო, თენგო რა შენ სახლს გადაგიხურავსო? შემომთავაზა 100 ლარი რომ გავჩერებულიყავი, მაგრამ მე არ გავჩერდი და აგერა ვარ. 100 ლარს მაძლევდა, რომ სახლი გადამეხურა, გავჩერებულიყავი და თენგიზ ჯგუშიას გვერდით არ დავმდგარიყავი“ - განაცხადა დემურ ზარანდიამ.