მიმდინარე წლის ივნისის ბოლომდე, თბილისში კიდევ 40 ახალი მუნიციპალური ავტობუსი დაიწყებს მგზავრების გადაყვანას. ამის შესახებ განცხადება დღეს გამართულ მთავრობის სხდომაზე დედაქალაქის მერმა კახა კალაძემ გააკეთა. მისივე განცხადებით, 220 ახალი რვამეტრიანი ავტობუსი თბილისში წლის ბოლოსთვის შემოვა:

„90 ერთეული ავტობუსი შევისყიდეთ. 50 უკვე თბილისშია და ემსახურება მოსახლეობას, ხოლო დანარჩენი 40 ერთეული ივნისის ბოლომდე იქნება მოწოდებული და დაიწყებს ხაზებზე მუშაობას. რაც შეეხება რვამეტრიან ავტობუსებს, 220 ერთეული „ისუზუს“ მარკის ავტობუსი წლის ბოლოსთვის შემოვა ქალაქში. ყვითელი ავტობუსები, რომელიც უმძიმეს მდომარეობაშია, გვინდა, ძალიან მალე მთლიანად შევცვალოთ“, - განაცხადა კახა კალაძემ.