"აღვკვეთავთ ყველგან მოსახლეობის დაშინების მცდელობას - ოლქშიც და უბნებზეც, ივანიშვილი ზუგდიდელებს არჩევანს ვერ წაართმევს"

"აღვკვეთავთ ყველგან მოსახლეობის დაშინების მცდელობას - ოლქშიც და უბნებზეც, ივანიშვილი ზუგდიდელებს არჩევანს ვერ წაართმევს" - ბაჩუკი ქარდავა

პოლიტიკა - 13:52, 15 May, 2019

789

გაერთიანებული ოპოზიციის ერთ-ერთი ლიდერის ბაჩუკი ქარდავას თქმით, გაერთიანებული ოპოზიცია სრულად მობილიზებულია და ივანიშვილსა და „ოცნებას“ ზუგდიდელი ამომრჩევლის ხმების მიტაცება არ გამოუვა:

„ყველა მცდელობა „ოცნების“ მხრიდან გააყალბოს არჩრვნები და ზუგდიდელების არჩევანი მიიტაცოს ნაპასუხები იქნება პოლიტიკაში დაშვებული ყველა კანონიერი ხერხით. იქნება საპროტესტო აქციები საჭირო, გავმართავთ საპროტესტო აქციებს. ამ ეტაპზე გაერთიანებულმა ოპოზიციამ მინი-გამარჯვება მოიპოვა და გუშინდელი თავხედური მცდელობა გაეტანათ სიები და ბეჭდები, იქნა აღკვეთილი. ასე აღვკვეთავთ „ქართული ოცნების“ ყველა მცდელობას ოლქში, უბანზე, ქუჩებში სადაც ისინი ცდილობენ მოსახლეობის დაშინებას. გაერთიანებული ოპოზიცია სრულად მობილიზებულია, მზად ვართ ნებისმიერ ხერხებით, ნებისმიერი ბერკეტით, რაც გათვალისწინებულია კონსტიტუციით, დავიცვათ ზუგდიდელი ამომრჩევლის ხმები. ბიძინა ივანიშვილი ზუგდიდელებს არჩევანს ვერ წაართმევს და „ქართული ოცნება“ აუცილებლად დამარცხდება.“- განაცხადა ბაჩუკი ქარდავამ.