"ეს არის კლოუნადა, საოლქოდან ბეჭდები გატანილია ყოველგვარი პროცედურის დარღვევით"

"ეს არის კლოუნადა, საოლქოდან ბეჭდები გატანილია ყოველგვარი პროცედურის დარღვევით" - ბაჩუკი ქარდავა

პოლიტიკა - 22:24, 14 May, 2019

677

ზუგდიდის საოლქო საარჩევნო კომისიაში ვითარება კვლავ დაძაბულია. ადგილზე იმყოფებიან, გაერთიანებული ოპოზიციის "ძალა ერთობაშიას" წევრები, რომლებმაც საარჩევნო უბნებზე სამაგიდო სიების, რეგისტრირებული ბეჭდების და ლუქების გადატანა დააფიქსირდა.

როგორც გაერთიანებული ოპოზიციის წევრი ბაჩუკი ქარდავა აღნიშნავს, ის რაც ახლა საოლქო საარჩევნო კომისიაში ხდება არის კლოუნადა, რითაც "ქართული ოცნება" არჩევნების ტოტალური გაყალბებისთვის ემზადება.

მისივე თქმით, საოლქო საარჩევნო კომისიიდან ბეჭდები გატანილია კანონის და ყოველგვარი პროცედურების დარღვევით.

"რაც ახლა აქ ხდება ეს არის კლოუნადა, ფაქტობრივად ოცნებას აქვს ორი შტაბი. ერთი შტაბი არის რომელიც ფორმალურად გააჩნია და მეორეა, რომელიც არაფორმალურად გააჩნია ეს არის სამწუხაროდ, საოლქო საარჩევნო კომისია. აქ უკვე დაწყებულია ტოტალურად არჩევნების გაყალბებისთვის მზადება. ამ ხალხმა ვერ გაიგო, რომ ჩვენ ვართ სრულად მობილიზებული, ზუგდიდელების ხმის მოპარვას და მიტაცების საშუალებას ამ ადამიანებს არ მივცემთ. ბეჭდები გატანილია ყოველგვარი პროცედურის დარღვევით და ფაქტობრივად მოპარულია, სიები. პრაქტიკაში 24 საათზე ადრე სიები არ გატანილა საოქო კომისიიდან გატანილია ხუთი დღით ადრე. ეს ყველაფერი იმისთვის, რომ იცის ქართულმა ოცნებამ, რომ არჩევნების მოგების თეორიული შანსიც კი არ აქვთ, თუ ამომრჩევლის წინაშე დარჩება და ახდენს ყველა მანიპულაციას. მინდა იცოდეს ზუგდიდელმა ამომრჩვეელმა ჩვენ ქურდებს და მათი ხმების ყაჩაღებს ამის საშუალებას არ მივცემთ, იაქტიურონ 19 მაისს და მათი ხმა იქნება დაცული. ზუგდიდში ქართული ოცნება დასრულდება და აქედან დაიწყება მათი სრული მარცხი და კრახი" - განაცხადა ბაჩუკი ქარდავამ.