ხობის რაიონის სოფელ თორსაში, 65 წლის მამაკაცი, დათიკო ქარჩავა მოკლეს. გავრცელებული ინფორმაციის თანახმად წუხელ, დაახლოებით 21:30 საათზე გარდაცვლილის სახლში სამი შეიარაღებული ნიღბიანი შეიჭრა. მათ ქარჩავას ოჯახის წევრები სკამზე მიაბეს, თავად ქარჩავა კი მხარში დაჭრეს.

თვითმხილველების განცხადებით, თავდამსხმელები საათნახევრის განმავლობაში სასტიკად აწამებდნენ გარდაცვლილის ოჯახის წევრებს და ერთ მეზობელს, რომელიც შემთხვევით ამ ოჯახში აღმოჩნდა. ამის შემდეგ ყაჩაღებმა სახლიდან წაიღეს 2 500 ლარი და ერთი ცალი ოქროს ბეჭედი. 
ოჯახის წევრების განცხადებით, დათიკო ქარჩავა სისხლისგან დაიცალა, რადგან დაჭრილი იყო და ვერ მოხერხდა მისი საავადმყოფოში დროზე გადაყვანა.