„კოკა წყალს ყოველთვის არ მოიტანს და გახარიას კოკა ძალიან მალე გატყდება“

„კოკა წყალს ყოველთვის არ მოიტანს და გახარიას კოკა ძალიან მალე გატყდება“ - ბაჩუკი ქარდავა სკანდალურ ჩანაწერზე

პოლიტიკა - 20:22, 14 May, 2019

1414

წინასარჩევნო სკანდალი ზუგდიდში - გაერთიანებული ოპოზიციის "ძალა ერთობაშია" მერობის კანდიდატ, სანდრა რულოვსსა და მის მხარდამჭერებზე განხორციელებული თავდასხმის პარალელურად, ცნობილი ხდება ფარული ჩანაწერი, რომელიც რუსთავი 2-მა მოიპოვა და სადაც ზუგდიდის საკრებულოს "ქართული ოცნების" დეპუტატი გია დანელია მეორე პირს უხსნის თუ რა დავალებები მიიღო მან „ზემოდან“ იმისათვის, რომ ქართული ოცნების კანდიდატმა გაიმარჯვოს „50-ს პლუს ერთით“. დეპუტატი ამბობს, რომ არსებობს მითითებები, რომ არ უნდა მოერიდონ, მოსყიდვას ნებისმიერ ფასად, მათ შორის გატაცებებსა და დაშინებებს.

სკანდალურ ჩანაწერს გამოხმაურება მოჰყვა გაერთიანებული ოპოზიციის ლიდერების მხრიდან. ბაჩუკი ქარდავა ამბობს, რომ ხელისუფლების წევრებს შორის მხოლოდ ორი ადამიანია, ვისაც შეუძლია გასცენ ასეთი დირექტივები და მსგავსი სისხლის სამართლებრივი დანაშაულის გამო ხელი დააფარონ საკუთარ აქტივისტებს, ედპ-ის ლიდერის თქმი ესენი არიან ბიძინა ივანიშვილი და შს მინისტრი გიორგი გახარია, რომელსაც ქარავას თქმით, ჯერ კიდევ საპრეზიდენტო არჩევნების დროს ჰქონდა „ალიანსი“ ე.წ. ქუჩასა და კრიმინალებთან.

„ხელისუფლება მზად არის სისხლის სამართლის დანაშაულის ფასად არ დაუშვან ხალხის მიერ მხარდაჭერილი ოპოზიციის კანდიდატის გამარჯვება. ეს არ არის მხოლოდ ოცნების შტაბის მხრიდან გაცემული დავალებები, ასეთი გარანტიების მიცემა შეუძლია ბიძინა ივანიშვილს, რომელიც ამას აკეთებს გახარიას ხელით. არის ასეთი გამონათქვამი - „კოკა წყალს ყოველთვის არ მოიტანს“ და გახარიას კოკა ძალიან მალე გატყდება და ამას საზოგადოება მალე დაინახავს. ყველა შავი საქმე სრულდება შინაგან საქმეთა მინისტრის ხელით, დაწყებუილი პოლიტიკური ძალის კრიმინალებთან ალიანსით და გაგრძელებული იმ სამარცხვინო ჩანაწერით, რომელიც ჩვენ დღეს მოვისმინეთ“ - განაცხადა ბაჩუკი ქარდავამ.