პანკისის ხეობაში ჩატარებული ანტიტერორისტული სპეცოპერაციისას მოკლული 19 წლის თემირლან მაჩალიკაშვილის საქმე - „ერთიანმა ნაციონალურმა მოძრაობამ“ სესიაზე დროებითი საგამოძიებო კომისიის შექმნის საკითხი დააყენა:

„გასული რამდენიმე კვირის მანძილზე თემირლან მაჩალიკაშვილის მკვლელობის საქმე კიდევ ერთხელ მოექცა ჩვენი საზოგადოების ყურადღების ქვეშ. მიუხედავად იმისა, რომ უკვე ერთი წელიწადია მალხაზ მაჩალიკაშვილი პარლამენტის წინ მართავს საპროტესტო აქციებს, სამწუხაროდ სათანადო ყურადღება ამ საქმეზე ვერ დაიმსახურა. ვერც შესაბამისი უწყებებიდან და ვერ გამოძიების პროცესი წინ ვერ წავიდა და ჩვენ აქ ამ დარბაზში მათ შორის მოვისმინეთ სუს-ის ხელმძღვანელს ბატონ გომელაურს, რომელმაც თავისი შეფასებები გააკეთა ამ საქმესთან დაკავშირებით. ასევე ვიხილეთ რამდენიმე დღის წინ გავრცელებული სხვადასხვა ჩანაწერები რომლის ნამდვილობა მე არ ვიცი, რომლის მიზანიც აშკარად იყო საზოგადოებაზე ზეგავლენის მოხდენა და ეს ყველაფერი არ ცვლის ძალიან მძიმე რეალობას და ეს მძიმე რეალობა არის ის რომ მოკლულია ახალგაზრდა ადამიანი და მის ოჯახს, მის თემს არ აქვს მიღებული პასუხი შეკითხვაზე თუ რატომ განხორციელდა თემირლან მაჩალიკაშვილის ლიკვიდაცია. ძალიან მნიშვნელოვანია ჩვენი წინადადება საგამოძიებო კომისიის შექმნის შესახებ. რაც შეიძლება სწრაფად განხორციელდეს და შესაბამისად იმედი გვაქვს რომ ამ წინადადებას მხარს დაუჭერენ საკმარისი რაოდენობით საქართველოს პარლამენტის წევრები,“-განაცხადა სალომე სამადაშვილმა.